Ծաղրանկար >>> հոմոմոբիա

Ծաղրանկար >>> Անպատկառություն

Ծաղրանկար >>> «լավ քաղաքացիներ»

Հեղինակ Մայք Լուքովիչ
Հեղինակի կայքը ԱՅՍՏԵՂ

Նամականիշեր՝ ի աջակցություն ազատությանը և հավասարությանը

2016 թ.-ի Փետրվարի 5-ին, ՄԱԿ-ի փոստային վարչությունը թողարկեց վեց նամականիշեր՝ սատարելու կին և տղամարդ նույնասեռական, երկսեռական և փոխսեռական (ԼԳԲՏ) անձանց հավասարությանը: Պատմականորեն սա առաջին անգամն էր, երբ համաշխարհային կառույցի փոստային կապի ծառայությունները թողարկում էին ԼԳԲՏ թեմատիկայով նամականիշեր: 

Այս նախաձեռնությունը կյանքի է կոչվել սատարելու ՄԱԿ-ի Մարդու իրավունքների գրասենյակի կողմից կազմակերպված «ազատ ու հավասար» քարոզարշավին, որի գլխավոր նպատակներն են՝ աջակցել ԼԳԲՏ ներկայացուցիչների նկատմամբ արդար վերաբերմունքին և բարձրացնել հանրային իրազեկությունը հոմոֆոբ բռնության և խտրականության վերաբերյալ:

Արվեստագետ Սերջիո Բարադաթի նկարած գունազարդ նամականիշերը խորհրդանշում են ԼԳԲՏ անձանց բազմազանությունը: Նամականիշներից երկուսը պատկերում են նույնասեռ զույգեր, մեկը՝ թիթեռ, որը խորհրդանշում է գենդերային վերափոխումը, իսկ մեկ այլը ներկայացնում է մի մարդ, ում կես մասը կարմիր է, մյուս կեսը սպիտակ, ամենայն հավանականությամբ խորհրդանշելով երկսեռականությունը:

ՄԱԿ-ը հաստատում է, որ հավասարությունը հանդիսանում է «մարդու իրավունքների հիմնարար սկզբունք» և, որ յուրաքանչյուր պետություն «կրում է իրավական պարտավորություն խթանելու և պաշտպանելու մարդու իրավունքներն իր բոլոր քաղաքացիների համար»: Ի դեպ, 1951 թ.-ից ի վեր, ՄԱԿ-ը հաճախակի թողարկել է նամականիշեր, որոնց թեմատիկան բացի մարդու իրավունքները, ներառել են խաղաղությունը, բնապահպանությունը և անհետացող տեսակները:

Շարունակական արհավիրք իսլամական պետությունում

թարգմանեց Սամվել Աբրահամյանը

Մի արևոտ օր Պալմիրայում, 2015 թ.

Սիրիայի հինավուրց Պալմիրա քաղաքում Իսլամական Պետության (հետայսու՝ ԻՊ)-ի դիմակավորված դատավորը փողոցում կարդում է նույնասեռականության մեջ մեղադրվող երկու տղամարդկանց դատավճիռը․ «նրանք պետք է նետվեն մոտակա հյուրանոցի տանիքից ներքև»։ Ապա նա հարցնում է տղամադրկանցից մեկին, արդյո՞ք նա գոհ է դատավճռից։ Մահը,- ասում է դատավորը, կօգնի նրան ազատվել իր մեղքից։ -Ես կնախընտրեի, եթե դուք իմ գլխին կրակեիք,- պատասխանում է 32-ամյա Հավաս Մալլահը՝ անզոր։

Մյուս ամբաստանյալ 21-ամյա Մուհամեդ Սամալեհը խնդրում է ապաշխարելու շանս տալ՝ խոստանալով այլևս երբեք սեռական հարաբերություններ չունենալ տղամարդու հետ, պատմել է անմիջական մի վկա Թուրքիայում տեղակայված Ասոշիեյթեդ Փրես լրատվական գործակալության լրագրողին։ -Տարեք նրանց և գցեք ներքև, -հրամայում է դատավորը։ Մնացյալ դիմակավոր գրոհայինները կապում են տղամարդկանց ձեռքերը և աչքերը՝ տանելով նրանց չորս հարկանի հյուրանոցի տանիք։

Իր սարսափելի մեթոդներով հայտնի ԻՊ-ի զինյալներն իրենց ամենդաժան պատիժը կիրառում են նույնասեռական կասկածյալների նկատմամբ։ Խմբի նկարահանած տեսանյութերում և նկարներում երևում են դիմակավորված անձիք, որոնք կախել են տղամարդկանց ոտքերից, որպեսքի նրանց շենքի կտուրից ներքև գցեն (տես մեր նաքխին հոդվածը >>> ԱՅՍՏԵՂ)։ Ըստ մարդու իրավունքների միջացգային ՀԿ-ներից մեկի մինչև 2015թ․-ի հոկտեմբերի վերջը Սիրիայում առնվազն 36 տղամարդ է դատապարտվել սոդոմության մեղադրանքով։ Արձանագրվել են նաև այլ բնույթի մահապատիժներ։ Բեյրությում գործող «Հպարտ Լիբանան» կազմակերպությունը, որը աշխատում է սիրիացի ԼԳԲՏ փախստականների հետ նշում է, որ կրոնական ծայրահեղական տարբեր կազմակերպությունների կողմից նույնասեռականների գլխատման դեպքերի և առնվազն մեկ փոխսեռական կնոջ՝ կրծքերից կախելու մասին։

Սպանություն Իրաքում, օգոստոս, 2015 թ.

Նույնասեռականների բեմականացված հանրային մահապատիժը
ժամանցի միջոց է դարձել ԻՊ-ի կողմից վերահսկվող տարածքների
բնակիչների համար։

Համընդհանուր հոմոֆոբիա

ԻՊ-ի կողմից դաժան մահվան դատապարտվելու սարսափը ավելի է բարդանում, երբ զուգակցվում է ավանդապահ հասարակության մեջ մեկուսացված և մերժված լինելու հանգամանքի հետ։ Շատ մահմեդականներ նույնասեռականությունը դիտում են իբրև մեղք։ Նույնասեռականներին միշտ հալածում է այն միտքը, որ ինչ-որ մեկը, գուցե նրանց բարեկամներից մեկը, կարող է նրանց մատնել ԻՊ-ին, վերջինիս համակրանքը շահելու կամ պարզապես հոմոֆոբիայից կամ կրոնական մոլեռանդությունից դրդված։ ԻՊ-ի աշխարհազորայինները երբեմն տանջում են նույնասեռական կասկածյալներին, ստուգում են հեռախոսներն և դյուրակիր համակարգիչները՝ վերջիններիս ընկերների ինքնությունը բացահայտելու նպատակով։ ԻՊ-ի կրոնական ոստիկանությունը նույնիսկ ստեղծել է երիտասարդ աշխարազորայինների ջոկատ՝ փորձելով նույնասեռական տղամարդկանց մոլորությամբ ժամադրության հրավիրել, որպեսքի Իսլամական ռեժիմը կարողանա ապացուցել, որ վերջիններս նույնասեռական են։

Տխուր փաստ է, որ նույնիսկ ԻՊ-ի հակառակորդների շրջանում նույնասեռականները չեն արժանանում որևե համակրանքի։ Որոշ Սիրիացիներ և Իրաքցիներ, ներառյալ այսպես կոչված չափավոր ընդիմադիր քաղաքական գործիչներ նշում են, որ ցնցված են ԻՊ-ի գործած վայրագություններից, բայց միևնույն ժամանակ արդարացնում են նույնասեռականների սպանությունները։ Հատկանշական է, որ Սիրիացի այլ ապստամբ խմբերը նույնպես իրենց հերթին սպանել և բռնությունների են ենթարկել նույնասեռականներին։

Պատմական աննախադեպ հանդիպում ՄԱԿ-ում

Իդլեբ քաղաքից 28-ամյա Սիրիացի նույնասեռական Սուբհի Նահասը, ով  ներկայումս ապրում է ԱՄՆ-ում ճողոպրել է հայրենիքից այն մտավախությամբ, որ իր հարազատ ընտանիքը կարող է իրեն մատնել Ալ-Քաիդայի մանսաճյուղ Ալ-Նուսրա խմբավորմանը, որը նույնպես թիրախավորել է նույնասեռականներին։ Երբ նրա հայրը իմացել է  որդու՝ սեռական կողմնորոշման մասին, ծեծել է նրան և անվանել  ընտանիքի խայտառակություն։ Մոտավորապես նույն ժամանակ Ալ-Նուսրայի աշխարհազորայինները պատժիչ գործողություններ են ձեռնարկել Իդլեբում՝ ձերբակալելով 25 տղամարդու և մզկիթի բարձրախոսներով հայտարարել են, որ վճռական են քաղաքը «մաքրազերծելու» նույնասեռականներից։ Հոր հետ ունեցած խնդիրները հաշվի առնելով՝ Սուբհին չի բացառել, որ հայրը կարեղ է մատնել իրեն։ Ուստի, նա նախ մեկնել է Լիբանան, այնտեղից՝ Թուրքիա, որտեղից էլ՝ Միացյալ Նահանգներ։

2015թ-ի օգոստոսի 24-ին Սուբհին և մեկ Իրաքցի տղամարդ պատմականորեն առաջին անգամվա համար նույնասեռական անձանց նկատմամբ բռնությունների թեմայով ՄԱԿ-ի անվտանգության խորհուրդի նիստի ժամանակ խոսել են նույնասեռականների տառապանքների մասին։ Ոչ պաշտոնական հանդիպմանը, որը համանախագահվել են ԱՄՆ-ի և Չիլիի կողմից, ներկա են եղել ԱԽ-ի 15 անդամներից 13-ը, ներառյալ Ռուսաստանը, Նիգերիան, Մալազիան, Հորդանանը, Միացյալ Թագավորությունը, Ֆրանսիան, Չինաստանը, Նոր Զելանդիան, Վենեսուելան և Լիտվան։ Միայն Չադն և Անգոլան չեն մասնակցել նիստին։ Միջազգային Գեյ և Լեսբուհիների Իրավապաշտպան Հանձնաժողովի գործադիր տնօրեն Ջեսիկա Սթերնը նիստի ժամանակ հանդես է եկել փորձագիտական գնահատականներով։ Վերջինս գովասանքի է արժանացրել Հորդանանին՝ ՄԱԿ-ի ԱԽ-ին մասնակոցող միակ արաբական պետությանը, նույնասեռականների նկատմամբ ԻՊ-ի բռնություններն և Միջին Արևելքում գործող նույնասեռականների դեմ օրենքներն և թշնամանքը դատապարտելու համար։ Հորդանանի ելույթը՝ ՄԱԿ-ի պատմության մեջ առաջին անգամ արաբական երկրի կողմից նույնասեռականների վերաբերյալ անթաքույց դրական երանգ ունեցող ելույթն է եղել,- ասել է Սթերնը։

-Անկարելի է չպարտավորվել նրանց իրավունքների համար պայքարել, ինչպես կպայքարեինք մեր իրավունքների համար,- ասել է ՄԱԿ-ի ԱԽ-ում ԱՄՆ-ի մշտական ներկայացուցիչ Սամանթա Փաուերը։ «Այսօր մենք արեցինք փոքր, բայց շատ կարևոր առաջին քայլ, այն չպետք է լինի վերջին քայլը»։

Սուբհի Նահաս (ձախից) և ՄԱԿ-ում ԱՄՆ
դեսպան Սամանթա Փաուեր

ՄԱԿ-ի ժողովից հետո Սուբհի Նահասը լրագրողների հետ
ճեպազրույցում նշել է, որ ԼԳԲՏ-ն սոսկ արևմուտքի կողմից
հորինված տերմին չէ և Միջին Արևելքի սեռական փոքրամաս-
նությունները նույնպես ուզում են ունենալ իրավունքներ։

Իրաքցի տղամարդը, ով ներկայացել է որպես Ադնան անհայտ վայրից հեռախոսով իր պատմությունը պատմել է՝ նշելով, որ ինքը դեռևս ապահով վայրում չէ։ «Իմ հասարակությունում նույնասեռական լինելը նշանակում է մահ, և երբ ԻՊ-ն սպանում է նույնասեռականներին շատ մարդիկ ուրախանում են, որովհետև նրանք կարծում են, որ մենք չարիք ենք և այսպիսով ԻՊ-ի հեղինակությունն ավելանում է»,- ավելացրել է Ադնանը։ «Իմ ընտանիքն իմ դեմ դուրս եկավ, երբ ԻՊ-ն ընկել էր իմ հետևից։»,- ասաց Ադնանը, ով փախել է տնից։ «ԻՊ-ի գրոհայինները պրոֆեսիոնալ են, երբ հարցը վերաբերում է նույնասեռականների հալածանքին։ Նրանք որսում են բոլորին մեկ առ մեկ։ Երբ նրանք բռնում են մեկին, ապա ստուգում են հեռախոսային հաղորդակցությունները և ֆեյսբուքյան ընկերներին։ Նրանք փորձում են գտնել բոլոր նույնասեռական տղամարդկանց։ Եվ ինչպես դոմինոյում՝ երբ մեկն ընկնում է, բոլորը ընկնում են»։

ԻՊ-ի արձագանքը ՄԱԿ-ի ժողովին ծայրաստիճան անողորմ է եղել և վաղօրոք իրականացված։ ՄԱԿ-ի ժողովից ուղիղ մեկ օր առաջ խումբը սպանել է 9 նույնասեռական տղամարդու և մեկ տղայի, բոլորն էլ Սիրիայից։

Սուբհի Նահասը ՄԱԿ-ի ԱԽ-ին ասել է, որ նույնասեռականները Սիրիական Իդլեբ քաղաքում նետվել են տանիքներից և քարկոծվել։ «Մահապատիժների ժամանակ հարյուրավոր քաղաքացիներ, ներառյալ երեխաները, ցնծում էին այնպես ինչպես հարսանիքի ժամանակ», վկայել է Նահասը։ Հարկ է նշել, որ Իդլեբի նույնասեռականները թիրախավորվել են նախ Սիրիայի կառավարության, ապա Ալ-Քաիդայի մանսաճյուղ Ալ-Նուսրա խմբավորման կողմից, որը իր վերահսկողության տակ է առել քաղաքը 2012թ.-ին, և վերջապես ԻՊ-ի կողմից, որը նվաճել է քաքաքը 2014թ.-ին։ 

Գրանցման խնդիրները

Մարդու իրավունքների պաշտպանները փաստում են, որ նույնասեռականության շուրջ ստեղծված խարանը դժվարացնում է հայտնաբերել և գրանցել  ԻՊ-ի և այլ ծայրահեղական խմբավորումների զոհը դարձած նույնասեռականներին։ Ընտանիքներն և ընկերները հրաժարվում են խոսել զոհերի մասին։ ԻՊ-ի վերահսկողության տարածքներում բնակվող նույնասեռականները սարսափում են ազատորեն արտահայտվելուց և նույնիսկ արտասահմանում ապաստան գտածներից շատերն ապրում են թաքնված։ Զավեշտալի է, որ ինֆորմացիայի հիմնական աղբյուրը հենց ԻՊ-ի հայտարարություններն են: Խումբը, սակայն, հաճախ չի բացահայտում զոհերի անունները, միգուցե վերջիններիս ընտանիքների հանդեպ «հարգանքից» ելնելով, որոնք բարկությամբ կհեղեղվեն, եթե իրենց անունը կապվի նույնասեռականության հետ։

Իր ահարկու մեթոդներով ԻՊ-ն նպատակ ունի հպարտորեն ցույց տալ մնացյալ մահմեդական ծայրահեղական խմբավորումներին և բնակչությանը, որ հենց ինքն է «ամենաիսկական» խմբավորումը մահմեդական աշխարհում։ Այլ կերպ ասած, ԻՊ-ն հպարտանում է իր «գաղափարական բյուրեղությամբ», որով այն փորձում է առանձնանալ մնացյալ խմբավորումներից։ «Պատիժները կպաշպանեն մահմեդական աշխարհն այն փտած ուղուց, որն արևմտյան աշխարհն է ընտրել»,- իր անգլալեզու թերթում վերջերս հայտարարություն է տարածել ԷՊ-ն։

Լոտի պատմությունը որպես հոմոֆոբ հանցանքների կրոնական արդարացում

Ղուրանը պատմում է Լոտի մասին և Սոդոմի ոչնչացման պատմությունը, իսկ սոդոմականությունն արաբերենում կոչվում է լիվատ՝ Լոտի անվան հիման վրա։ Ըստ Ղուրանի տղամարդը, ով սեռական հարաբերություն է ունենում այլ տղամարդու հետ պետք է պատժվի, սակայն Ղուրանը չի  պարզաբանում թե ինչպես։ Ղուրանում նաև ասված է, որ նույնասեռական տղամարդուն պետք է հանգիստ թողնել, եթե վերջինս զղջում է իր արարքի համար։ Մահապատժի մասին արձանագրված է Հադիսում (Մուհամմադ մարգարեի կյանքի տարբեր դրվագների մասին պատմող զրույցները և նրան վերագրված խոսքերը)։ ԻՊ-ն իր մահապատիժներն իրականացնելիս առաջնորդվում է հետևյալ պատգամով, որը վերագրվում է Մուհամմադ մարգարեին․ «նույնասեռականները պետք է ցած նետվեն մեծ բարձրությունից, այնուհետև՝ քարկոծվեն»։

Նմանատիպ մեթոդները նախքան ԻՊ-ն գործածվել են այլ ծայրահեղական խմբավորումների կողմից։ Օրինակ Աֆղանստանում իշխանության տարիներին Թալիբանը ուներ իր սեփական մեթոդը․ նույնասեռականներին գցում էին փոսը, այնուհետև քարե պատը շրջում գլխներին։

Սպանություն Սիրիական Հոմսում, 2015թ.։ Այս դեպքում դահիճն
նախ իր «կարեկցանքն» է ցուցաբերել իր զոհին, քանզի պատիժը
համարվում է հոգին մեղքից զտելու ճանապարհ։

Նշենք նաև, որ չափավոր մահմեդական հոգևորականների մեծ մասը, նույնիսկ նրանք, ովքեր կատաղի կերպով քննադատում են նույնասեռականությունը չեն ընդունում մահապատիժը։ Արաբական երկրներում նույնասեռականները ձերբակալվում են և բանտարկվում՝ հիմնականում «անառակությանը» վերաբերող մեղադրանքներով և երբեմն ենթարկվում են մտրակի հարվածների, ինչպես օրինակ Սաուդյան Արաբիայում։

Մարդիկ  խանդավառությամբ քարկոծում են դատապարտյալներին
վայր գցելուց հետո, նույնիսկ այն դեպքում, եթե նրանք արդեն,
ընկնելու հետևանքով, մահացել են։

Վայրագությունների ցուցահանդես Պալմիրայի «Ազատության» հրապարակում

Տղամարդը, ով Պալմիրայում սպանությունների ականատեսն է եղել Ասոշիեյթեդ Փրեսի թղթակցին պատմել է, որ շարունակում է մնալ ցնցված իր տեսած մահապատժի տեսարանից։ Այն սկսվել է, երբ ԻՊ-ի զինյալները բարձրախոսների օգնությամբ կանչել են տղամարդկանց քաղաքի գլխավոր հրապարակ։ Այնուհետև հրապարակին նայող 4 հարկանի հյուրանոց է ժամանել մի մեծ սև ֆուրգոն, որից դուրս են բերվել Մալլահն ու Սալամեհը։ Առաջ պետք է ներքև նետեին Մալլահին, ով կապված է եղել աթոռին, որպեսզի չկարեղանար դիմադրել։ Նա ընկել է մեջքի վրա, ջարդել այն, բայց դեռ կարողացել է շարժվել։ Զինյալները կրակել են նրա ճակատից։ Հաջորդը եղել է 21 ամյա Սալամեհը։ Նա ընկել է գլխի վրա և անմիջապես մահացել։ Զինյալները, չնայած դրա, քարկոծել են նրա դին։ Երկու զոհերի մարմինները կապված են մնացել Պալմիրայի «Ազատության» հրապարակում երկու օր։ Նրանց կրծքին փակցված պաստառի վրա գրված է եղել․ «նա պատժվել է  Լոտի ժողովրդի հանցանքը գործելու համար»։

Հետևյալ նկարներում պատկերված են տղամարդիկ, ովքեր մահապատժի են դատապարտվել նույնասեռականության «մեղադրանքով»։ Այդպիսի սահմռկեցուցիչ տեսարանները՝ լի առանձնահատուկ դաժանությամբ, սովորական են դարձել ԻՊ-ի կողմից վերահսկվող տարածքներում։

երգ >>> «Կապույտ թաղամաս» եռերգություն

երեք երգեր «Կապույտ թաղամաս» (Blue Neighbourhood) ալբոմից
երգիչ Troye Sivan
Ավստրալիա
2015

19 ամյա ավստրալացի երիտասարդ և տաղանդավոր երգիչ Թրոյ Սիվանը այս եռերգությունում (տրիլոգիա) պատմում է իր մանկության սիրո մասին: Այս երեք երգերը նրա  դեբյուտային ալբոմի` «Blue Neighborhood»-ի (Կապույտ թաղամաս) մի մասն են կազմում:

Առաջին երգում երգիչը պատմում է իր և լավագույն ընկերոջ մանկության տարիներին գործած «անմեղ հանցանքի» մասին: Նրանք հասկացել էին, որ իրենց ընկերությունը հեռուն է գնում, բայց ի վերջո բաժանվում են արտաքին խնդիրների պատճառով:

Երկրորդ տեսահոլովակում ցուցադրվում է նրանց պատանեկությունը, երբ երգիչը փորձում է նորից կապնվել իր կյանքի սիրո հետ, սակայն ընկերոջ հոմոֆոբ հայրը փորձում է արգելել նրանց հարաբերությունները: Ստիպված ընկերը հարմարվում է ընդունված կարգին և թողնելով Թրոյին գտնում է ընկերուհի:

Եռերգությունն ավարտվում է գերեզմանոցում: Հիմա, երբ լավագույն ընկերոգ հարբեցող հայրը մահացել է, երգիչը գնում է այնտեղ փորձելու վերադարձնել այն մեկին ում սիրում է:

երգ 1-ին  “Վայրի” (WILD)

երգ 2-րդ FOOLS «Հիմարներ»

երգ 3-րդ TALK ME DOWN «հավաստիացրու ինձ»

ԿԱՐՃԱՄԵՏՐԱԺ >>> Դատապարտվածները

ՖԻԼՄ	Դատապարտվածները / Caught
ՌԵԺԻՍՈՐ	Մոնթե Փաթերսոն
ՍՑԵՆԱՐԻՍՏ	Մոնթե Փաթերսոն
ԳԼԽ. ԴԵՐԱՍԱՆ	Գաբրիել Գաթոն
ՏԱՐԵԹԻՎ	2010
ԵՐԿԻՐ	ԱՄՆ
ՏԵՎՈՂՈՒԹՅՈՒՆ	14

Հիմնված իրական պատմության վրա, այս ֆիլմը ցույց է տալիս, թե ինչպես ԱՄՆ-ի Օհայո նահանգում բնակվող մի երիտասարդ վտանգում է ամեն ինչ, որպեսզի արտահայտի իր ճնշված սեռականությունը, հանրային մի զուգարանում: Պատմությունը սահմանված է 1960 թվականներին, երբ նույնասեռականությունը անօրինական էր ԱՄՆ-ում և ենթակա էր պատժի: 

Ֆիլմը ցույց է տալիս, որ ոստիկանությունը գաղտնիորեն նկարահանել է նույնասեռականների շփումը հեռավոր մի հանրային զուգարանում, և ապա ձերբակալել այդ մարդկանց: Այսպիսով, 1962 թ. ամռանը ընդամենը երկու շաբաթվա ընթացքում, մեկ զուգարանում, ոստիկանությունը նկարահանել է 68 անձանց, որոնցից 38-ը դատապարտվել են, և յուրաքանչյուրը առնվազն 1 տարի անց է կացրել նահանգային քրեակատարողական հիմնարկում:

IMDb ԳՆԱՀԱՏԱԿԱՆԸ	7.3 / 10
ՄԵՐ ԳՆԱՀԱՏԱԿԱՆԸ	8 / 10

ՖԻԼՄԸ  >>>

Հայ նույնասեռականները ծայրաստիճան դժբախտ

թարգմանեց Սամվել Աբրահամյանը

Սա իհարկե համալիր գիտական հետազոտություն չէ, բայց առաջին մեծածավալ միջազգային հետազոտությունն է նվիրված նույնասեռական տղամարդկանց երջանկությանը։

Ամստերդամում տեղակայված «Պլանետ Ռոմեո» առցանց ծանոթությունների գործակալությունը գերմանական Յոհանես Գատենբերգի անվան Մայնցի համալսարանի հետ համագործակցաբար մշակել են «Գեյերի երջանկության համաթիվ»։ Կայքը անց է կացրել  հարցում 127 երկրներում գրանցված օգտատերերի շրջանում և համեմատելով տվյալները դասակարգել է երկրներին։ Ավելի քան հարյուր տասնհինգ հազար (115․000) նույնասեռական տղամարդ է մասնակցել հարցմանը։ Հարցման արդյունքները հրապարակվել են 2015թ․-ի մայիսին։ 

Համաթիվը հաշվի է առել թե ինչպիսի վերաբերմունքի են արժանանում նույնասեռական տղամարդիկ տարբեր հաստատություններում ինչպիսիք են դպրոցը, աշխատավայրը և ընտանիքը։ Կառավարության համապատասխան քաղաքականությունը նույնպես հաշվի է առնվել։ Հարցումը նաև անդրադարձել է թե արդյոք նույնասեռական անձիք գոհ են իրենք կյանքից, ընդունված են հասարակության, ընկերների և ընտանիքի կողմից։

Այս քարտեզի վրա, ավելի լավ է լինել կանաչ,
առնվազն դեղին, այլ ոչ թե կարմիր

Հետազոտության արդյունքների համաձայն նույնասեռականների կյանքի որակը ամենաբարձրն է Իսլանդիայում, որին հետևում են Նորվեգիան, Դանիան, Շվեդիան, Ուրուգվայը, Կանադան, Իսրայելը, Նիդերլանդները, Շվեյցարիան և Լյուքսեմբուրգը։ Աղյուսակում առաջատար տեղ են զբաղեցնում Սկանդինավյան երկրները, որոնց հաջորդում են այլ Եվրոպական երկրները, այնուհետև՝ Հարավային Ամերիկայի և Արևելյան Ասիայի երկրները։

Նույնասեռականները իրենց ամենադժբախտն են զգում Սուդանում և Ուգանդայում։ Արաբական և Աֆրիկյան երկրները ընդհանրապես գրավում են ցածր հորիզոնականները:

Այդ հետազուտության համաձայն Հայաստանը զբաղեցնում է 114-րդ հորիզոնականը Բանգլադեշից և Պակիստանից հետո և Եգիպտոսից առաջ։ Ներքոնշյալ տվյալներից երևում է, որ տարածաշրջանի բոլոր երկրները, բացի Իրանից, ունեն ավելի լավ վարկանիշ քան Հայաստանը։

• Թուրքիա 82-րդ
• Ռուսաստան 87-րդ
• Վրաստան 97-րդ
• Ադրբեջան 100-րդ
• Իրան 121-րդ

Հայաստանից 44 անհատ է մասնակցել հարցմանը։ Մասնակիցների միջին տարիքը 29 է։ Մասնակիցների 89%-ը նշել է, որ ունի համալսարանական կրթություն։ 82%-ը իրեն համարում է նույնասեռական, մնացյալ մասը՝ երկսեռական։

Ըստ Հայաստանցի հարցվողների հասարակական միջավայրը, ներառյալ ընտանեկան մթնոլորտը ծայրաստիճան թշնամական է տրամադրված նույնասեռականների նկատմամբ։ Այդ թշնամանքը հիմնականում արդահայտվում է խոսքային/բառային մակարդակում, քանի որ ոչ ոք չի մատնանշել ֆիզիքական հետապնդում կամ բռնություն։ 

Մասնակիցների 50%-ի կարծիքով հասարակության մեջ հոմոֆոբիայի մակարդակը մնացել է անփոփոխ նախորդ տարվա հետ համեմատ, միչդեռ 32%-ի կարծիքով այն ավելի է վատացել։ Միայն 18%-ն է նշել, որ առկա է առաջընթաց։

Ցածր դասակարգված այլ երկրների նույնասեռականների նման, Հայաստանցիները ևս նշել են, որ խիստ գաղտնի են պահում իրենց սեռական կողմնորոշումը ընտանիքում, ընկերների և գործընկերների շրջանում։ Հարցվողների 70%-ը նշել է, որ ոչ իրենց մայրերը և ոչ էլ հայրերը չգիտեն իրենց կողմնորոշման մասին, իսկ 60%-ը այն գաղտնի է պահում իր եղբայրներից և քույրերից։

Առավել զավեշտալի է, որ 25%-ը նշել է, որ ոչ ոք իրենց ընկերներից չգիտի իրենց կողմնորոշման մասին, 48%-ը նշել է, որ իր կողմորոշման մասին տեղյակ է 1-2 ընկեր, իսկ 16%-ը նշել է, որ ընկերների մեծամասնությունը տեղյակ է իրենց կողմնորոշման մասին։ Եվ միայն հարցվողների 9%-ն է նշել, որ «բոլորն են տեղյակ» իրենց կողմնորոշման մասին։

Հայ հարցվողների 25%-ը նշել է, որ «մշտական հարաբերությունների» մեջ է այլ տղամարդու հետ, 2%-ը՝ կնոջ հետ և 70%-ը նշել է կանոնավոր հարաբերությունների բացակայության մասին։

Հատկանշական է, որ Հայաստանը դասակարգվել է աֆրիկյան և արաբական երկրների հետ միևնույն խմբում, այն դեպքում, երբ երկրում չեն գործում նույնասեռականներին հետապնդող օրենքներ։ Այն կարող է բացատրվել այն հանգամանքով, որ հայ նույնասեռականների սպասումները չափազանց ավելին են, այդ պատճառով էլ նրանք այդքան խիստ են գնահատել իրավիճակը Հայաստանում։

Պատկերը ավելի է մռայլում այն հանգամանքը, որ հայ հարցվողները չեն ակնկալում հոմոֆոբիայի մակարդակի զգալի փոփոխություններ մոտ ապագայում։ Հուսանք, որ «Պլանետ Ռոմեոյի» հարցումները գալիք տարիներին կապացուցեն հակառակը։

ֆիլմ >>> Մորիս, մաս 1-ին՝ 2-ից

ՖԻԼՄ	Մորիս / Maurice / Морис
ՌԵԺԻՍՈՐ	Ջեյմս Այվորի
ՍՑԵՆԱՐԻՍՏՆԵՐ	Քիթ Հեսքեթ-Հարվի, Ջեյմզ Այվորի
	հիմնված Է. Մ. Ֆորսթերի համանուն վեպի վրա
ԵՐԱԺՇՏՈՒԹՅՈՒՆ	Րիչարդ Րաբինզ
ԳԼԽ. ԴԵՐԱՍԱՆՆԵՐ	Ջեյմս Ուիլբի, Հյու Գրանթ, Րուփերթ Գրեյվս
ՏԱՐԵԹԻՎ	1987
ԵՐԿԻՐ	Միացյալ Թագավորություն
ՏԵՎՈՂՈՒԹՅՈՒՆ	140

Նրբագեղ ու մտաշարժ այս ֆիլմը 20-րդ համագործակցությունն է ռեժիսոր Ջեյմս Այվորիի և պրոդյուսեր Իսմաիլ Մերչենթի միջև: Պատմութույնը տեղի է ունենում Անգլիայում Առաջին համաշխարայինի նախօրյակին: Ֆիլմը ցուցադրում է այն տարբեր ընտրությունները, որոնք  ժամանակին նույնասեռականները ի վիճակի էին կատարել իրենց սեռականության և սիրային կյանքի վերաբերյալ և այն գինը, որը պետք էր վճարել այդ ընտրությունները կատարելու համար:

Սեր, սեքս և Պղատոնը

Առաջին տեսարանում տեսնում ենք 11-ամյա դպրոցական Մորիս Հալին, ում իր ուսուցիչը աշխատում է իրազեկել «սեքսի սրբազան գաղտնիքների» մասին՝ ցանկանալով պատրաստել որբ տղային այն փոփոխություններին, որոնց նա հանդիպելու է իր սեռական հասունացման ճանապարհին:

Տարիներ անց միջին խավը ներկայացնող Մորիսին (Ջեյմս Ուիլբի) վիճակվում է ընդունվել Քեմբրիջի առաջատար համալսարանում: Այնտեղ նա ընկերանում է երկու հարուստ և ազնվական ծագումով համադասարանցիներ հետ, ովքեր  են լորդ Րիզլին և գեղեցիկ ու հմայիչ Կլայվ Դուրհամը (Հյու Գրանթ): Դուրհամը սիրահարվում է իր ընկերոջը և անակնկալ կերպով  նրան խոստովանում է իր զգացմունքները:

Լինելով մտավորականներ՝ նրանց անհրաժեշտ է տեսականորեն բացատրել և հիմնավորել իրենց արարքները: Մորիսը դրականորեն չի արձագանքում Կլայվի սիրո բացահայտմանը, և հիմք ընդունելով  կրոնական արժեքները՝ հարցականի տակ է դնում նման վարքագիծը: Մինչդեռ Կլայվը Մորիսի հանդեպ իր գրավչությունը արդարացնում է Պղատոնի փիլիսոփայական փաստարկներով, ըստ որոնց երկու տղամարդու միջև իդեալական սերն ու ջերմությունը պատկանում է վեհ բարոյականության ոլորտին:

Այն բանից հետո, երբ Մորիսը պատասխանում  է Կլայվի զգացմունքներին, երկուսը սկսում են թեժ սիրո պատմություն: Նրանց մեջ հոգեկան և զգացմունքային կապերը խորանում են, սակայն, Կլայվի պնդմամբ, նրանց հարաբերություններում բացառվում է սեքսը: Նրանց ֆիզիկական շփումները սահմանափակվում են իրար շոյելով, գրկախառնվելով և համբուրվելով. պահվում են այսպես կոչված՝ «պղատոնական սիրո» անարատ և կուսական սահմանները:

ՖԻԼՄԻ ԹՐԵՅԼԵՐԸ  >>>

Երկուղի

Երկու ընկերները ցնցվում են, երբ իրենց ընկեր Լորդ Րիզլին ձերբակալվում է մի զինվորականի սեքս առաջարկելու համար և դատապարտվում է վեց ամիս բանտարկության՝ ծանր աշխատանքով: Հիշենք, որ ժամանակին նույնա-սեռականությունը անօրինական էր Անգլիայում, և նույնասեռականներին կարելի էր դատի տալ «կոպիտ անպարկեշտության» մեղադրանքով:

Այս իրադարձությունը հանդիսանում է շրջադարձային Կլայվի և Մորիսի հարաբերություններում և ֆիլմում: Վախեցած, որ իր նունասեռականությունը բացահայտվելու դեպքում կարող է կորցնել իր «անունը», ձեռքից բաց թողնել իր կարիերայի հեռանկարները և զրկվել իր դասակարգային առավելություններից, դեպի Պղատոնի հայրենիք կատարած մի կարճ ուղևորությունից հետո Կլայվը խզում է իր սիրային կապը Մորիսի հետ և, ի վերջո, ամուսնանում է հարուստ ընտանիքի աղջիկ՝ միամիտ Անայի հետ:

Կլայվը, սակայն, պնդում է, որ Մորիսը շարունակի հնարավորինս հաճախ այցելել իրենց տուն: Թվում է, թե նա, ձանձրացած լինելով իր արհեստական ամուսնությունից, փնտրում է Մորիսի մոտավոր ներկայությունը, որը գոնե մասամբ կարող է լրացնել այն, ինչ բացակայում է իր կյանքում: Կլայվը մարմնավորում է այն պահպանողականությունը, համակերպվածությունը  և կեղծավորությունը, որոնք բնորոշ էին Անգլիայում տիրող ճնշող մթնոլորտին:

ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ >>> ԱՅՍՏԵՂ

ՖԻԼՄԻ ՌՈՒՍԵՐԵՆ ՕՆԼԱՅՆ ՏԱՐԲԵՐԱԿԸ >>>

Морис (1987) с сайта 24video.com

___________________________________________________________

«Մորիսը» այս կայքում 

ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ

ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ

ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ

ՋԻՖ ԱՆԻՄԱՑԻԱ >>> ԱՅՍՏԵՂ

Իսլամիստների հերթական բարբարոսությունը

2015 թ. հունվարի երկրորդ շաբաթվա ընթացքում «Իրաքի եւ Լևանտի իսլամական պետություն» (ԻԼԻՊ) ահաբեկչական խմբավորումը սոցիալական ցանցերում հրապարակեց մի շարք սարսափազդու պատկերներ և հայտարարեց, որ իրենք մահապատժի են ենթարկել երկու տղամարդկանց, ովքեր ավելի վաղ իսլամական «դատարանի» միջոցով «մեղավոր» էին ճանաչվել նույնասեռականության համար:

Լուսանկարներում պատկերված են աչքերը փակ երկու զոհերը՝  7-8 հարկանի աշտարակի տանիքից ցած նետվելիս՝ մեկը մյուսից հետո, երբ ներքևում՝ աշտարակի հրապարակում, ամբոխը հավաքված նայում է: Այս հանրային մահապատիժը տեղի է ունեցել Իրաքի Մոսուլ քաղաքում, որը հանդիսանում է Իրաքի երկրորդ ամենամեծ քաղաքը և 2014 թ. հունիսից ի վեր գտնվում է ԻԼԻՊ-ի իշխանության տակ:

Հանրային մահապատիժները սովորական երևույթ են դարձել ԻԼԻՊ-ի վերահսկողության տակ գտնվող տարածքներում: Այս միջոցառումները օգնում են ամրապնդել շարիաթի օրենքների՝ ահաբեկչական խմբավորման խիստ մեկնաբանությունը և ծառայում են բնակչությանը ահաբեկելու՝ նրանց ենթարկելով կատարյալ հնազանդության: Իսկ մահապատիժները պատկերող լուսանկարների հրապարակումը սոցիալական ցանցերում ծառայում են ԻԼԻՊ-ին իր միջազգային քարոզչության ռազմավարության մեջ՝  ուղղված արմատական մահմեդական երիտասարդությանը:

Ցավոք, սա առաջին անգամը չէր, որ այդ հոմոֆոբ կրոնամոլները, մահապատժի էին ենթարկում նույնասեռականներին: 2014 թ. նոյեմբերին Սիրիայում նրանք քարկոծելով սպանեցին երկու տղամարդկանց, ովքեր «մեղադրվել» էին նույնասեռականության համար: Դեկտեմբերին նրանք նախ մի շենքի տանիքից վայր նետեցին մի «սոդոմականի» և հետո քարկոծելով սպանեցին նրան:

Նույնասեռական տղամարդկանց հալածանքը միայն մի մասն է այն հանցավոր քաղաքականության, որը ԻԼԻՊ-ը վերջին երկու տարվա ընթացքում իրականացրել է Սիրիայում և Իրաքում: Նրանք գերեվարել են հազարավոր եզդի կանանց և երեխաների, գլխատել են մեծ թվով «անհավատների», զանգվածային կոտորել են «կրոնափոխների» և սպանդից հետո նրանց մարմինները այլանդակել, և ավերել են բազմաթիվ կրոնական և պատմամշակութային հուշարձաններ:

Հարկ է նշել, որ թեև ասվում է, որ Ղուրանը նույնասեռականությունը համարում է որպես մեղք և նրան սահմանում է մահապատիժ, նույնասեռական հարաբերությունները լիովին օրինական են ավելի քան 20 երկրներում, որոնք ունեն մահմեդական մեծամասնություն բայց աշխարիկ պետական համակարգ, այդ թվում՝ Ալբանիան, Ադրբեջանը, Հորդանանը, Լիբանանը, Չադը, Ղազախստանը և Թուրքիան:

ԻԼԻՊ-ի մի «պատասխանատու» կարդում է «մեղադրանքները»
հանրային մահապատժի արարողության սկզբին. Իրաք, 2015 թ.

Բազմությունը սպասում է ականատես լինելու նույնասեռական
զույգի հրապարակային մահապատժին: Մինչդեռ, հրապարակի
կենտրոնում կարելի է տեսնել երկու այլ տղամարդկանց՝
մեղադրված «հրոսակախմբի անդամակցությամբ»՝ արդեն
խաչված դիրքում:

Դիմակավորված դահիճները ներքև են հրում իրենց նույնասե-
ռական զոհերին, երբ հրապարակում կանգնած բազմությունը
հետևում է:

Առաջին զոհի դիակը տեսանելի է գետնին, երբ երկրորդը
դեռ իր մահաբեր ընկնելու պահին է:

Նույնասեռական տղամարդը, ով մահապատժի ենթարկվեց
դեկտեմբերին, այս նկարում պատկերված է վայր ընկնելու
պահին: Նրան ցած էին նետել 3 հարկանի շենքի տանիքից,
բայց չէր մահացել: ԻԼԻՊ-ը ապա գերազանցել էր բարբա-
րոսության իր սեփական չափանիշները և այդ կիսամեռ
մարդուն ենթարկել քարկոծության:

ԿԱՐՃԱՄԵՏՐԱԺ >>> Շնչահեղձությամբ

ՖԻԼՄ	Շնչահեղձությամբ / On Suffocation
ՌԵԺԻՍՈՐ	Ջենիֆեր Մալմքվիսթ
ՍՑԵՆԱՐԻՍՏ	Ջենիֆեր Մալմքվիսթ
ԳԼԽ. ԴԵՐԱՍԱՆՆԵՐ	Ալի Դավուդ, Քուրդի Քարա, Փոյան Քարիմի
ՏԱՐԵԹԻՎ	2012
ԵՐԿԻՐ	Շվեդիա
ՏԵՎՈՂՈՒԹՅՈՒՆ	7

Ոչ մի խոսք, ոչ մի արտահայտւթյուն...Մենք լսում ենք միայն ոտնաձայններ, փսփսոցներ և տնքոցներ: Այս ցնցող ֆիլմը ցույց է տալիս մի նույնասեռական զույգի կախաղան բարձրանալը:

Պատմությունը, ըստ երևույթին, տեղի է ունենում Իրանում, բայց դա կարող է պատահել նաև ցանկացած  10 այլ երկրներից մեկում՝ բոլորը մահմեդական մեծամասնությամբ, որտեղ նույնասեռական շփումը համարվում է հանցանք և կրում մահապատիժ:

IMDb ԳՆԱՀԱՏԱԿԱՆԸ	7.1 / 10
ՄԵՐ ԳՆԱՀԱՏԱԿԱՆԸ	8 / 10

ՖԻԼՄԸ >>> 

ԿԱԴՐԵՐ ՖԻԼՄԻՑ  >>>

Ծաղրանկարների շարք >>> «Գեյ քարոզչությունը»

Նույնասեռականության «վարակման» ընթացքը ըստ նրանց, ովքեր Ռուսաստանում և այլուր ենթադրում են, որ գեյ «քարոզչությունը» կարող է ազդել ու փոփոխել երեխաների և պատանիների սեռական կողմնորոշումը:

 

 

Հեղինակ ԶՄՍ / ZMS
ԱՄՆ
Հեղինակի կայքը ԱՅՍՏԵՂ

ՖԻԼՄ >>> ՈՒայլդը, մաս 1-ին՝ 3-ից

ՖԻԼՄ	ՈՒայլդը / Wilde / Уайльд
ՌԵԺԻՍՈՐ	Բրայան Գիլբերթ
ՍՑԵՆԱՐԻՍՏ	Ջուլիան Միտչել
	հիմնված Ռիչարդ Էլմանի համանուն գրքի վրա
ԵՐԱԺՇՏՈՒԹՅՈՒՆ	Դեբի ՈՒայսման
ԳԼԽ. ԴԵՐԱՍԱՆՆԵՐ	Սթեֆեն Ֆրայ, Ջյուդ Լաու, Մայքլ Շին
ՏԱՐԵԹԻՎ	1997
ԵՐԿԻՐ	Միացյալ Թագավորություն
ՏԵՎՈՂՈՒԹՅՈՒՆ	118

Այս ֆիլմը 19-րդ դարի նշանավոր իռանլանդական ծագումով անգլիական գրող` Օսկար Ուայլդի կյանքի մասին է՝ սկսած նրա ամուսնությունից մինչև վաղաժամ մահը:

ՖԻԼՄԻ ԹՐԵՅԼԵՐԸ  >>>

Ինքնաբացահայտում

Ֆիլմի գործողությունները  սկսվում են 1882 թվականից, երբ Ուայլդը (Սթեֆեն Ֆրայ), վերադառնալով ԱՄՆ-ում իր դասախոսական շրջագայությունից, ամուսնանում է Կոնսթանս Լոյդի հետ: Ուայլդը ըստ երևոյթի հակված է վարելու սովորական կյանք: Ֆիլմը ցույց է տալիս, որ նա աշխատում է զսպել իր՝ նույնասեռական ցանկությունները:

Մի տեսարանում, կանգնած Լոնդոնի փողոցներից մեկում, հանկարծ նրա և մի երիտասարդ տղայի աչքերը իրար են հառվում: Վարկենապես նա գլուխը հետ է դարձնում, բայց արդեն ուշ է. երիտասարդը հասկացել է նրա հակվածությունը: (Հետաքրքիր է, որ երիտասարդի կարճ դերը խաղում է Օրլանդո Բլումը, և սա նրա առաջին դերն է կինոյում):

Դեռևս նրանց երկրորդ որդին նորածին է, երբ Ուայլդները հյուրընկալում են Ռոբերտ Ռոս (Մայքլ Շին) անունով մի երիտասարդ կանադացի լրագրողի տանը: Նա Ուայլդին գայթակղում է և օգնում բացահայտել և ընդունել իր նույնասեռական հակումները:

Եվ ահա Ուայլդը իրեն ազատագրված է զգում: Նրա ստեղծագործական աշխատանքը ծաղկում և ծավալվում է, ինչպես իր  զուգընկերների շրջանակը: Նրա երկսեռական կյանքը կարող էր այսպես հանգիստ շարունակվել, եթե նա չաներ ճակատագրական և կործանարար մի հանդիպում:

Հանդիպում գեղեցկության հետ

Իր «Լեյդի Ուինդերմիրի հովհարը»  պիեսի առաջին բեմականացման գիշերը, Ուայլդը ծանոթանում է աննկարագրելի գեղեցկություն ունեցող ուսանող և բանաստեղծ Լորդ Ալֆրեդ Դուգլասի (Ջյուդ Լաուի) հետ, որին մտերիմները Բոսի են կոչում: Երկուսը սկսում են կրքոտ ու փոթորկոտ սիրային հարաբերություններ:

Ալֆրեդը անխոհեմ, հղփացած, եսաակենտրոն, բայց հմայիչ մի երիտասարդ արիստոկրատ է: Ուայլդը և Ալֆրեդը գնալով ավելի և ավելի են մտերմանում: Նրանց զգացմունքային և հոգեկան կապերը չի խանգարում նախաձեռնել այլ հանդիպումներ և տարբեր սեռական փորձեր: Արկածախնդիր Ալֆրեդը համոզված է, որ «բազմազանությունը կյանքի համեմունքն է» և Ուայլդին ներկայացնում է Լոնդոնի ստորգետնյա նոյնասեռական մարմնավաճառության շրջանակներին: (Հարկ է նշել, որ նույնասեռականությունը անօրինական էր Բրիտանական կայսրության մեջ): Ֆիլմի մի տեսարանում Ալֆրեդը սեքսով է զբաղված մեկ այլ տղամարդու հետ, մինչ նրա ավագ սիրեկանը հետևում է նրանց:

Ալֆրեդի Վահանը

Ալֆրեդը աշխատում է օգտագործել Ուայլդին  և նրա համբավը՝ պաշտպանելու իրեն իր հորից` Քուինսբերի մարկիզից, ով փորձում է նրան իր կատարյալ վերահսկողության տակ պահել: Ուայլդը մեծահոգաբար համաձայնում է խաղալ այդ վահանի դերը ի օգնություն և պաշտպանություն իր երիտասարդ սիրեկանի: Ալֆրեդը պնդում է, որ նրանք հրապարակավ ցույց տան իրենց մտերմությունը, որպես հակազդեցություն վիկտորիանական արիստոկրատիայի բարոյականության, ինչպես նաև իր կոպիտ, հոմոֆոբ հոր: Այս բորլորը չափազանց զայրացնում է մարկիզին, ով հիմնովին հակառակ է իր որդու և Ուայլդի կապերին:

Ուայլդի «Լրջախոհ լինելու կարևորությունը» պիեսի պրեմիերայից քիչ անց  մարկիզը թողնում է վիրավորական մի ուղերձ դրամատուրգին՝ նրան անվանելով սոդոմական: Ուայլդը անխոհեմորեն որոշում է դատի տալ մարկիզին զրպարտության մեղադրանքով: Ինչպես իր շատ ընկերները, այդ թվում՝ Ջորջ Բեռնարդ Շոուն, կանխատեսում են՝ դատավարությունը շրջվում  է Ուայլդի դեմ: Մարկիզի իրավաբանը դատարանին բացահայտում է Ուայլդի նույնասեռական հակումները: Հետևաբար, Ուայլդը դատի է տրվում «կոպիտ անպարկեշտության» մեղադրանքով:

ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ >>> ԱՅՍՏԵՂ

ՖԻԼՄԻ ՌՈՒՍԵՐԵՆ ՕՆԼԱՅՆ ՏԱՐԲԵՐԱԿԸ  >>>

___________________________________________________________
ՈՒայլդը այս կայքում

ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՀՈԴՎԱԾԻ ՄԱՍ 3 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 1 >>> ԱՅՍՏԵՂ