Գովազդ >>> «Միքելանջելոյի հնարքը»

Նեվիոթ հանքային ջուր

Իսրայել

ՖԻԼՄ >>> ՊՂՊՋԱԿԸ, մաս 1-ին՝ 2-ից

ՖԻԼՄ	Պղպջակը / The Bubble / Пузырь
ՌԵԺԻՍՈՐ	Եյթան Ֆոքս
ՍՑԵՆԱՐԻՍՏՆԵՐ	Եյթան Ֆոքս, Գալ ՈՒչովսկի
ԵՐԱԺՇՏՈՒԹՅՈՒՆ	Իվրի Լիդեր
ԳԼԽ. ԴԵՐԱՍԱՆՆԵՐ	Օհադ Քնոլեր, Յուսեֆ Սուեյդ
ՏԱՐԵԹԻՎ	2006
ԵՐԿԻՐ	Իսրայել
ՏԵՎՈՂՈՒԹՅՈՒՆ	117

«Մարդիկ գուցե տեսնեն, թե մենք միասին որքան գեղեցիկ ենք և հասկանան, թե այս պատերազմները ինչքան հիմարություն են: Ոչ ... նրանք հավանաբար երբեք նման բան չեն մտածի»:

Երեք Իսրայելցի երիտասարդներ

Երեք Իսրայելցի երիտասարդներ` մեկ կին եւ երկու գեյ տղամարդ, բնակվում են միասին Թել Ավիվ քաղաքում: Լուլուն մի գրավիչ աղջիկ է, ով աշխատում է որպես վաճառորդուհի օճառի խանութում: Նոամը (Օհադ Քնոլեր) աշխատում է երաժշտական մի խանութում և բանակի պահեստազորային է և հանգստյան օրերին ծառայում է որպես անցակետի պահակ: Երրորդը` Յալին, ռեստորանի կառավարիչ է:

Երեքն էլ հիմնականում ընկած են իրենց հաճույքների հետևից և կենտրոնացած են իրենց սիրային կյանքի վրա՝ հուսալով գտնել իրենց «կյանքի տղամարդուն»: Ինչ վերաբերում է նրանց քաղաքական կողմնորոշմանը, նրանք ձախակողմյաններ են և կողմնակից պաղեստինցիների հետ խաղաղության գաղափարին: Նրանց քաղաքական գործունեությունը, սակայն, մակերեսային է: Օրինակ` Պաղեստինի բռնագրավման հարցում իրենց անհամաձայնությունը արտահայտելու համար, նրանք կազմակերպում են ռեյվ տոնախմբություն ծովափում!

Թել Ավիվը որպես պղպջակ

Թել Ավիվը և, մասնավորապես, դրա ժամանակակից թաղամասերից մեկը` Շեյքինը, փոքր-ինչ առանձնացած է երկրի մնացած մասերից: Այս հանդուրժողականության «պղպջակը» իր մեջ է համախմբում արվեստագետների, ազատամիտների, նույնասեռականներ և երիտասարդների, որոնք իրենց մեկուսացրել են շրջակա հակամարտություններից:

Սակայն ֆիլմի երեք հերոսների խաղաղության և զվարթության «պղպջակը» պայթում է այն պահին, երբ մի գեղեցիկ պաղեստինցի` Աշրաֆը (Յուսեֆ Սուեյդ) մուտք է գործում նրանց բնակարան և հետո նաև նրանց կյանք:

ՖԻԼՄԻ ԹՐԵՅԼԵՐԸ  >>> 

Աշրաֆը

Նոամը և Աշրաֆը առաջին անգամ հանդիպում են մի տխուր ու լարված միջադեպի ընթացքում, որը տեղի է ունենում Նաբլուսի անցակետերեից մեկում՝, Իսրայելի կողմից օկուպացված տարածքներում: Աշրաֆի Թել Ավիվ գալուց հետո Նոամը, Լուլուն և Յալին անում են ամեն ինչ, որպեսզի օգնեն Աշրաֆին արագորեն տեղավորվի քաղաքում և փորձում են նրան ներգրավել իրենց «պղպջակի » մեջ:

Աշրաֆը ըստ երևույթի սիրում և վայելում է նույնասեռական անձի ազատ և անկաշկանդ ապրելակերպը Թել Ավիվում: Նրա ներկայությունը, սակայն, մյուսներին պարտադրաբար դնում է երկրում տիրող պառակտման իրողության առջև, ու արդեն անմիջականորեն և ոչ թե հեռուստատեսային հաղորդումների միջոցով:

ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ  >>>  ԱՅՍՏԵՂ
  

Ռուսերեն ենթագրերով օնլայն տարբերակ  >>> 

___________________________________________________________
«Պղպջակը» այս կայքում

 ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 1 >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 2 >>> ԱՅՍՏԵՂ

Ֆիլմ >>> Յոսիի պատմությունը, մաս 1-ին՝ 2-ից

ՖԻԼՄ	Յոսիի պատմությունը / Yossi / История Йосси
ՌԵԺԻՍՈՐ	Եյթան Ֆոքս
ՍՑԵՆԱՐԻՍՏ	Իթայ Սեգալ
ԵՐԱԺՇՏՈՒԹՅՈՒՆ	Քերեն Ան
ԳԼԽ. ԴԵՐԱՍԱՆՆԵՐ	Օհադ Քնոլեր, Օզ Զեհավի
ՏԱՐԵԹԻՎ	2012
ԵՐԿԻՐ	Իսրայել
ՏԵՎՈՂՈՒԹՅՈՒՆ	84

Տառապանք

Սա «Յոսին և Ջագգերը» ֆիլմի (2002) շարունակությունն է, որի գործողությունները տեղի են ունենում նախորդ ֆիլմի իրադարձություններից ուղիղ 10 տարի անց:

Ֆիլմում Յոսին (պատկերում է նույն դերասանը՝ Օհադ Քնոլերը), արդեն թմբլիկ 34-ամյա մի տղամարդ է, ով Թել Ավիվի հիվանդանոցներից մեկում աշխատում է որպես սրտաբան: Ըստ երևույթին, նա տխուր է, ընկճված ու միայնակ: Նա շարունակում է թաքցնել իր սեռական կողմնորոշումը, սակայն աշխատավայրում ասեկոսներ են տարածված նրա գեյ լինելու հավանականության մասին: Որպեսզի օգնեն նա միայնությունից դուրս գա՝ գործընկերները նախաձեռնում են տարբեր քայլեր, բայց ապարդյուն:

Յոսին կարծես ոչնչով շահագրգռված չէ փոխելու իր լճացած կյանքը: Ակնհայտ է, որ նա երբեք չի կարողացել հաղթահարել Ջագգերին կորցնելու իր խոր վիշտը և չի վերականգնվել իրենց սիրո կորուստից հետո: Նա շարունակում է տառապել: Դժգոհ իր անձնական կյանքից՝ ամբողջովին նվիրվել է իր աշխատանքին: Ազատ ժամերին նա սնվում է առաքված սնունդով և օգտագործում է օնլայն ժամադրությունների հնարավորություններից՝ պատահական սեքս կազմակերպելու համար:

>>> ՖԻԼՄԻ ԹՐԵՅԼԵՐԸ

Տառապանքի ավարտը

Յոսիի կյանքը փոխվում է մի օր, երբ հիվանդանոց է գալիս մի կին իր տարեկան ստուգումների համար: Յոսին ճանաչում է հիվանդին. նա Ջագգերի մայրն է: Այս հանդիպումը, ի վերջո, հանգեցնում է Յոսիի այցին Ջագգերի հայրական տուն: Այնտեղ նա որոշում է իր սիրտը բացել՝ Ջագգերի ծնողներին պատմելով իր և Ջագգերի սիրո մասին:

Սա շրջադարձային կետ է Յոսի կյանքում. սա այն պահն է, երբ նա վերջապես հաշտվում է իր անցյալի հետ և հաշտվում է կորցրած սիրո ցավի հետ:

Անապատի ճամբաներում

Անդրադառնալով Յոսիի աշխատանքում թույլ տված մի մեծ սխալի՝ նրա տնօրենը նրան առաջարկում է անցնել ավելի հավասակշռված ապրելակերպի և որպես սկիզբ՝ նրան հորդորում է արձակուրդ վերցնել: Յոսին որոշում է Թել Ավիվից մեկնել և երկրի հարավում հանպատրաստից արձակուրդ անցկացնել:

Ճանապարհին նա հանդիպում է չորս երիտասարդ զինվորների, որոնք փնտրում են անվճար երթևեկություն: Դրանով հանդերձ, որ Յոսիի և այդ չորսի միջև տարիքային տարբերությունը հազիվ 10 տարի է, ակնհայտորեն էական է ներսերնդային հակասություններ, ինչը մենք տեսնում ենք, օրինակ, նրանց տարբերվող երաժշտական նախասիրություններում:

Այնուամենայնիվ, Յոսին որոշում է հասցնել նրանց դեպի Էյլաթ՝ ծովափյա հանգստյան քաղաք: Սա այն քաղաքն է, որտեղ Ջագգերը ժամանակին ցանկացել էր, որ նրանք գնան ազատ և անկաշկանդ միասին ժամանակ անցկացնելու համար:

ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ >>> ԱՅՍՏԵՂ

 Ռուսերեն օնլայն տարբերակ  >>>

___________________________________________________________
Յոսիի պատմությունը այս կայքում

ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ

Ֆիլմ >>> Յոսին և Ջագգերը, մաս 1-ին՝ 2-ից

ՖԻԼՄ	Յոսին և Ջագգերը / Yossi & Jagger
	/ Йосси и Джаггер
ՌԵԺԻՍՈՐ	Եյթան Ֆոքս
ՍՑԵՆԱՐԻՍՏ	Ավներ Բերնհայմեր
ԵՐԱԺՇՏՈՒԹՅՈՒՆ	Իվրի Լիդեր
ԳԼԽ. ԴԵՐԱՍԱՆՆԵՐ	Օհադ Քնոլեր, Յեհուդա Լևի
ՏԱՐԵԹԻՎ	2002
ԵՐԿԻՐ	Իսրայել
ՏԵՎՈՂՈՒԹՅՈՒՆ	67

Այս ֆիլմը Յոսիի (Օհադ Քնոլեր) մասին է, ով  ղեկավարում է իսրայելական զինվորների մի խումբ Լիբանանին սահմանամերձ մի հեռավոր վայրում: Նա գաղտնի  կրքոտ սիրային հարաբերությունների մեջ է իր փոխհրամանատարի` Լիորի (Յեհուդա Լևի) հետ: Լիորին սովորաբար Ջագգեր են կոչում իր ռոքային արտաքինի և երգիչ Միք Ջագգերի հանդեպ ունեցած հիացմունքի պատճառով: Ջագգերը, ով զինակոչիկ է, շուտով ավարտելու է իր ծառայությունը և լքելու է ռազմական բազան:

Մյուս զինվորները Յոսիին և Լիորին համարում են շատ մտերիմ և հարազատ ընկերներ, որոնց մեջ սերտ բարեկամությունից բացի չկա ոչ մի բան: Երբ երկու սիրահարները ցանկանում են մենակ լինել, առանձնանում են ինչ-որ սուտ առաքելության/ պատրվակով և գնում են միմյանց վայելելուազատ բնության մեգ, ձյունով ծածկված դաշտերում, նապաստակների հայացքների ներքո:

ՖԻԼՄԻ ԹՐԵՅԼԵՐԸ  >>>

 

Հակասական ակնկալիքներ

Ջագգերը ինքնաբուխ, կրքոտ և հմայիչ մի տղամարդ է, իսկ Յոսին շատ ավելի զուսպ ու լուռ և դեռևս լիովին չհամակերպված իր սեռային կողմնորոշման հետ: Նրան բոլորովին դուր չեն գալիս Ջագգերի հմայվածությունը «աստղային» երաժշտության հանդեպ և նրա այլ «ցանցառ» և «ոչ առնական» նախասիրությունները: Ջագգերը ցանկանում է Յոսիի հետ ստեղծելել լուրջ և մշտական հարաբերություններ, նրան ներկայացնել իր ծնողներին և լիովին ապրել և վայելել իրենց սերը: Նա ակնկալում է, որ Յոսին շուտով կդադարեցնի իր աշխատանքը բանակում և կմեկնի քաղաք՝ իր հետ ապրելու համար:

Յոսին, սակայն, նախատեսում է իր կարիերան բանակում և Ջագգերի հանդեպ իր պարտավորությունների առումով անորոշ է և անվստահ: Նա նոյնիսկ չի խոստովանում իր սերը նրա հանդեպ: «Սա հո գրողի տարած ամերիկյան ֆիլմ չէ Ջագգերին ասում է նա, նկատի ունենալով իրենց հարաբերությունը: Իրավիճակը ինչ-որ չափով բարդանում է նրանից հետո, երբ մի աղջիկ զինվոր` Յաելին փոխադրվում է բազա: Նա լրջորեն հետաքրքրված է Ջագգերով:

Անսովոր պայմաններ

Հիմնված իրական պատմության վրա՝այս ֆիլմը պատկերում է մի բավականին համարձակ սիրո պատմություն, ռոմանտիկ նույնասեռական հարաբերությունների համար անսովոր պայմաններում (բանակ):

Առանց Իսրայելի բանակի համագործակցությամբ նկարահանված ֆիլմը նաև մանրամասնորեն անդրադառնումէ նրա առօրյային ռազմական մի հենակետում: Ռազմակայանում տեսնում ենք ձանձրացած երիտասարդ զինվորներ, ովքեր ապրում են մեկը մյուսին սեղմված պայմաններում, ֆիզիկապես ոչ հաճելի վիճակում, և շարունակական անորոշության և լարվածության տակ: Ֆիլմում ներկայացվում է նրանց բարեկամությունը ու նյարդային խանդավառությունը պատերազմական իրավիճակում (թեև թշնամին բացահայտորն ներկա չէ) : Ըստ երևոյթի, նրանք բոլորն էլ կնախընտրեն սիրաբանել, քան պատերազմել:

Հետաքրքիր է նշել, որ երբ ֆիլմը ցուցադրվել է 2002 թվականին, շատ դրականորեն է ընդունվել Իսրայելի պաշտպանության նախարարության կողմից: Նրանք այնուհետև ներառել են ֆիլմը մի շարք ուսումնական ծրագրերում` բարձրացնելու իրազեկությունը բանակում նույնասեռականների ներկայության վերաբերյալ:

ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ >>> ԱՅՍՏԵՂ

Ռուսերեն օնլայն տարբերակ  >>> 

___________________________________________________________
Յոսին և Ջագգերը այս կայքում

ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ

ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ