Հետաքրքրության և հետազոտության մի նոր նյութ
Վերջին տարիներին հետաքրքրությունը աճել է բացահայտելու և արձանագրելու գեյերի ներկայությունը լուսանկարչության վաղ ժամանակաշրջանում (19-րդ դարի երկրորդ կեսին և 20-րդ դարի առաջին կեսին):
Չնայած նրան, որ այդ ժամանակաշրջանում, նույնասեռականությունը անօրինական էր, արևմտյան շատ երկրներում և հասարակության համար` անընդունելի, ամենուր, զարմանալիորեն շատ նույնասեռականներ և երկսեռականներ համարձակվել են լուսանկարի ձևի տակ արձանագրել իրենց հարաբերությունները:
Մի քանի անձիք և հաստատություններ փորձել են հավաքել, վերականգնել և պահպանել այս լուսանկարները: Այդ անձանց թվում են ամերիկացի զգեստի ձևավորող Ջեֆրեյ Գենթը (Jeffrey Gent) և Ֆրանսիացի ռեժիսոր Սեբաստիան Լիֆշիզը (Sebastien Lifshitz): Նրանք կարողացել են հավաքագրել մեծ թվով նույնասեռական անձանց և զույգերի լուսանկարներ:
Ի նպաստ ճշգրտության և ստույգության
Կինոմարդի օնլայն ցուցահանդեսը մեծապես հիմնված է Գենթի և Լիֆշիզի հավաքածուների վրա: Մեծ քանակությամբ լուսանկարներից առանձնացվել և ընտրվել են առավել գեղեցիկ ու հետաքրքիրները:
Ընտրության ընթացում փորձ է եղել բացառել բոլոր այն լուսանկարները, որոնք միանշանակ կամ մեծ հավանականությամբ, չեն կարող վերագրվել նույնասեռական անձանց և զույգերի: Սա նշանակում է, որ, ցավոք ինքնաբերաբար անտեսվել են նույնասեռական այն զույգերի լուսանկարները, ովքեր որոշել են բացահայտորեն չարտահայտել իրենց մտերմությունը ու սերը, և նկարահանվել են զուսպ դիրքերում:
________________________________________________________________
Արդյո՞ք հետևյալ 5 լուսանկարներում պատկերված մարդիկ նույնասեռականներ են: Մենք չենք կարող վստահորեն դրական կամ բացասական պատասխան տալ այս հարցին: Հետևյալ 5-ը և բոլոր նման լուսանկարները հանվել են ներկա ցուցահանդեսից: Այս 5 նկարներում պատկերված մարդիկ կարող են լինել նույնասեռական զույգեր, եղբայրներ, հայրեր ու որդիներ, մտերիմ ընկերներ, նույնիսկ լավ համադասարանցիներ կամ գործընկերներ:
Մենք ներառել ենք միայն այն նկարները, որոնցում պատկերված զույգերը բացահայտ մտերիմ դիրքեր են կիրառել կամ նկարների հետևում արձանագրած գրությունները վկայում են նկարահանվածների ինքնության մասին: Ցավոք, սա նշանակում է, որ բոլոր այն գեյ զույգերի լուսանկարները, ովքեր նկարահանվել են առանց մտերմության որևէ ակնհայտ արտահայտության ինքնաբերաբար դուրս են մնացել ցուցահանդեսից:
Բուլղար զինվորներ, 1915թ. |
Ստուդիայում նկարահանված լուսանկարները
19-րդ դարի նույնասեռական զույգերի լուսանկարչության հերթական կոմպոզիցիաներն են եղել նկարահանվել միմյանց ձեռքերը բռնած և սեղմած, զուգընկերներից մեկի ձեռքը մյուսի ազդրի կամ ծնկի վրա դրված, զուգընկերներից մեկը մյուսի գրկում նստածև այլն:
1900 թ. |
_________________________________________________________________
«Թաքուն երջանկության վկաները»
օնլայն ցուցահանդես 10 մասով
1. Ստուդիայում նկարահանված լուսանկարները, Ա > > > ԱՅՍՏԵՂ
2. Ստուդիայում նկարահանված լուսանկարները, Բ > > > ԱՅՍՏԵՂ
3. Ստուդիայից դուրս, տան կամ ազատ բնության մեջ > > > ԱՅՍՏԵՂ
4. Հերթական դիրքերում > > > ԱՅՍՏԵՂ
5. Անսովոր դիրքերում > > > ԱՅՍՏԵՂ
6. Ծովի հետ > > > ԱՅՍՏԵՂ
7. Բանակում > > > ԱՅՍՏԵՂ
8. Ընկերական խմբեր > > > ԱՅՍՏԵՂ
9. Մերկություն > > > ԱՅՍՏԵՂ
10. Վարագույրը քաշած > > > ԱՅՍՏԵՂ
No comments:
Post a Comment