Ծիածանի գույներով դրոշը, որն այժմ համարվում է «գեյ դրոշ» և առնչվում ԼԳԲՏ ազատագրական շարժման հետ, ունի հին պատմություն տարբեր մշակույթների և ավանդույթների մեջ՝ սովորաբար խորհրդանշելով խաղաղություն, ներդաշնակություն և բազմազանություն:
Պատմության ընթացքում ծիածանագույն դրոշները օգտագործվել են տարբեր շարժումների և խմբերի կողմից. այստեղ մենք կարող ենք նշել հիպիների շարժումը 1960-ականներին և պացիֆիստները, որոնց համար ծիածանագույն դրոշը խաղաղության խորհրդանիշ էր: Որոշ քրիստոնյա խմբեր նաև օգտագործում են այն, քանի որ ծիածանը կարևոր խորհրդանիշ է Աստվածաշնչում՝ ներկայացնելով Աստծո խոստումը Նոյին խաղաղության վերաբերյալ:
Բազմագույն այս դրոշները, սակայն, ընդհանրապես նույնը չեն: Նրանք զանազանվում են միմյանցից իրենց մեջ ներառած գույների, գույների թվի և հերթականության առումով:
Հայկական դրոշը
Հայոց պատմության ընթացքում ծիածանագույն դրոշը որպես հայկական ազգային դրոշ է առաջարկել Ղ. Ալիշանը՝ 1885-ին՝ հիմնականում կրոնական նկատառումներով:
Դրոշի խնդիրը լուրջ քննարկումների առարկա է դառնում առաջին անկախությունց հետո: 1919 թվականին նկարիչ Մարտիրոս Սարյանը նորանկախ պետության համար առաջարկում է երեք դրոշակի տարբերակ: Այդ երեքից երկուսը ծիածանագույն տարբերակներ էին, իսկ երրորդը մի եռագույն, որը այդուամենայնիվ ներառում էր ծիածանի երեք հիմնական գույները՝ կարմիր, դեղին և կապույտ:
Սարյանի ծիածանագույն դրոշի երկուտարբերակներից մեկը: |
Իմ կարծիքով, մեզ՝ որպես արևելյան ժողովրդի, չափազանց կպատշաճեր բազմագույն դրոշը, որն ի հայտ է բերում ինքը` չքնաղ և հավերժ գեղեցիկ ծիածանը:»
Այս տարբերակում Սարյանը շեշտադրել է ծիածանի հիմնական երեք գույները: |
Սարյանի եռագույնը բաղկացած էր ծիածանի հիմնական երեք գույներից: |
«Գեյ հպարտության» դրոշը
Ներկայիս ԼԳԲՏ ծիածանադրոշը նախագծել է նկարիչ Գիլբերթ Բեյքրը՝ առաջին «գեյերի և լեսբուհիների ազատության երթ»-ի առիթով, որը տեղի է ունեցել ԱՄՆ-ի Սան Ֆրանցիսկո քաղաքում 1978 թ.: Ըստ Բեյքրի՝ նա ցանկացել է ստեղծել «հավաքական ինքնության համար տեսողական մի խորհրդանիշ»: Նրա դրոշը ի սկզբանե ունեցել է ութ շերտ (ութ գույն), և յուրաքանչյուր գույն ներկայացրել է շարժման ձգտումներից և արժեքներից մեկը:
Բեյքրի առաջին տարբերակը բաղկացած էր 8 գույներից: |
Դրոշն այժմ բաղկացած է վեց շերտերից՝ կարմիր, նարնջագույն, դեղին, կանաչ, կապույտ և մանուշակագույն: Հետաքրքիր է նշել, որ այս վեց գույները, այս հերթականությամբ, կրկնում են ճիշտ նույն դրոշը, ինչ Սարյանը երազում էր հայկական առաջին հանրապետության համար:
Գիլբերթ Բեյքրը և իր նախագծած դրոշակը: |
Նշանակություն
Ըստ Բեյքրի՝ դրոշում ներկայացված գույներն ունեն հետևյալ իմաստները՝ կարմիրը խորհրդանշում է կյանքը, նարնջագույնը՝ վերականգնումը, դեղինը ներկայացնում է արևը, կանաչը՝ բնությունը, կապույտը՝ հանգստությունն ու ներդաշնակություը և վերջապես մանուշակագույնը՝ մարդու հոգեկան ներաշխարհը:
Ծիածանադրոշը միջազգայնացվել է: Նույնասեռական-ների հավասարության ցույց Երուսաղեմում 2010 թ.: |
«Գեյ լողափ» Թաիլանդի Փաթայա քաղաքում: |
ԼԳԲՏ ցույց Բրազիլիայի Սան Պաուլո քաղաքում, 2014 թ.: |
Տեսարան Սան Ֆրանցիսկոյի Կաստրո թաղամասից, որտեղ գեյ դրոշը տեսանելի է ամենուր: |
Մի այլ տեսարան Կաստրո թաղամասից: |
Այս կարգախոսը չի վերաբերվում միայն ԼԳԲՏ հիմնական խմբերին՝ մասնավորապես տղամարդ և կին նույնասեռականներին, երկսեռականներին և փոխսեռականներին, այլ նաև տարբեր ենթախմբերի, որոնք առկա են յուրաքանչյուր խմբի մեջ:
ՀՈՒՄՈՐ >>>
No comments:
Post a Comment