Բանտում
1974 թ. Առենասը ձերբակալվում է իբրև մանկապղծության և առանց պաշտոնական արտոնության արտերկրում հրատարակչական գործունեություն ծավալելու («հակահեղափոխական քարոզչություն») մեղադրանքներով: Նա փորձում է բանտից փախչել, բայց նորից ձերբակալվում է և այս անգամ տեղափոխվում է տխրահռչակ մի բանտ, որտեղ հիմնականում պահվում են մարդասպաններ և բռնաբարողներ:
Շատ տպավորիչ է, թե ինչպես է Առենասը պայքարում շարունակել իր ստեղծագործական աշխատանքը ցանկացած իրավիճակում: Նոր բանտում նա օգնում է անգրագետ բանտարկյալներին՝ նրանց կողմից նամակներ գրելով իրենց կանանց ու սիրուհիներին: Փոխարենը նրանք Առենասին վարձահատույց են լինում ծխախոտով, որի թուղթը նա օգտագործում է գրելու համար:
 |
| Շոն Փենն անճանաչելի է ոսկե ատամներով մի գյուղացու դերում |
Այսպիսով 70-ականների մեծ մասը Առենասը անց է կացնում բանտարկության մեջ: Բանտից ազատվելով թաքնվելով՝ փորձում է երկրից փախչել, իհարկե, այդ ընթացքում չի դադարում գրել: Նրա աշխատանքները, սակայն, մնում են չհրատարակված՝ Կաստրիստ իշխանությունների տխրահռչակ գրաքննության պատճառով:
«Աքսորում»
Ֆիլմը ցույց է տալիս, թե ինչպես, 1980 թ. շնորհիվ Կուբայի և ԱՄՆի միջև արտագաղթի վերաբերյալ կնքված մի համաձայնագրի, Առենասը վերջապես կարողանում է տեղափոխվել ԱՄՆ, որտեղ նա սկսում է նոր կյանք իր բարեկամ Լազարո Գոմեզ Կառիյեսի (Օլիվիե Մարտինեզ) հետ: «Աքսորը» Առենասին բերում է ազատություն, սակայն չի ապահովում երջանկություն:
տեսարան ֆիլմից >>> անմիջական մի համբույր
Մի քանի տարի անց նա ախտորոշվում է ՁԻԱՀ-ով և երեք տարի տառապելուց հետո՝ 1990 թ., ինքնասպան է լինում: Վերջին տեսարաններից մեկում՝ հիվանդանոցից տուն վերադառնալու ճամփին, արտասանվում է «Շքերթը ավարտվեց» բանաստեղծությունը՝ մի բանաստեղծություն, որը նա գրել է հեղափոխության հետևանքների և իր հիասթափության մասին:
Ընդհանրապես, Առենասի կյանքի վերջին 10 տարիների լուսաբանումը բավականին սահմանափակ է, արագ և, ի տարբերություն ֆիլմի մյուս հատվածներին՝ փոքր-ինչ միալար: Սա, թերևս, վկայում է, որ ԱՄՆ-ում կյանքը ավելի քիչ է ոգեշնչել նրան:
IMDb ԳՆԱՀԱՏԱԿԱՆԸ
|
7.3 / 10
|
ՄԵՐ ԳՆԱՀԱՏԱԿԱՆԸ
|
9 / 10
|
ԿԱԴՐԵՐ ՖԻԼՄԻՑ >>>
Ջոնի Դեփը ֆիլմում խաղում է երկու փոքր դերեր` «Բոն-Բոն» անունով մի հրապուրիչ տրանսվեստիտի դերը և սադիստ, բայց սիրախոսող բանտապետ լեյտենանտ Վիկտորի դերը:
ֆիլմի ռեժիսորը և գլխավոր դերասանները >>>
Իրական Ռեյնալդո Արենասը >>>
Խավիեր Բարդեմը Ռեյնալդո Առենասին մարմնավորելու համար լավագույն դերասան ճանաչվեց Վենետիկի միջազգային կինոփառատոնում 2000 թ.
___________________________________________________________«Նախքան գիշերամուտը» այս կայքում
ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 1 >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 2 >>> ԱՅՍՏԵՂ
ՕՊԵՐԱ ՆԵՐԿԱՅԱՑՈՒՄԸ >>> ԱՅՍՏԵՂ
No comments:
Post a Comment