Սերիալ >>> Էմերդեյլ >>> Ահարոնը և Ջեքսոնը, մաս 1-ին 3-ից

 

ՍԵՐԻԱԼ	Էմերդեյլ Աարոնի և Ջեքսոնի սիրո պատմությունը
	/ Emmerdale - Aaron and Jackson Love Story
	/ История Аарона и Джексона
ԳԼԽ. ԴԵՐԱՍԱՆՆԵՐ	Դենի Միլեր, Մարկ Սիլկոք
ՏԱՐԵԹԻՎ	2009 - 2011
ԵՐԿԻՐ	Միացյալ Թագավորություն
ԷՊԻԶՈԴՆԵՐԻ ԹԻՎԸ	47

Ահարոնի և Ջեքսոնի սիրո պատմությունը

«Էմերդեյլ» հեռուստասերիալը համարվում է բրիտանական ռոմանտիկ սերիալներից ամենատևականներից մեկը: Նրա հեռարձակումը սկսվել է 1973 թվին և շարունակվում է մինչ այսօր: Սերիալի պատմությունը տեղի է ունենում ինչոր Էմերդեյլ ֆիկտիվ գյուղում:

Աշխարհի տարբեր երկրներում արտադրված շատ սերիալների նման, «Էմերդեյլը» տարիների ընթացքում փոփոխության է ենթարկվել իր կերպարների և թեմաների առումով` ներառելով և արտացոլելով հասարակական արժեքների և նորմերի մեջ տեղի ունեցող զարգացումները: Այսպիսով` 2000-ական թվականներից սկսած, սերիալը ներգրավել է գեյ կերպարներ և նույնասեռականությամբ առնչվող տարբեր թեմաներ:

Ահարոնը

Այս կայքում ներկայացված մասերը խմբագրված են «Էմերդեյլի» երեք  եթերաշրջանների հիման վրա (2009-11) և վերաբերում են Ահարոն Լիվեսին (Դենի Միլեր), մի կերպար, ով ունեցել է շատ փոթորկալից պատանեկություն: Առաջին անգամ Ահարոնը հեռուստասերիալում հանդես է գալիս 2003 թվականին` վաղ պատանի տարիքում: Մեծանալով` նա ներգրավվում է թմրանյութերի առևտրի մեջ և ի վերջո` ձերբակալվում: Ազատ արձակվելուց հետո, նա պարտադիր բնակություն է հաստատում իրեն նշանակված խնամակալ Փեդիի մոտ և գյուղում աշխատում որպես ավտոմեխանիկ:

Ահարոնը ունի շատ կոպիտ տղամարդկային (մաչո) բնավորություն, ցուցաբերում է հակում բռնության հանդեպ և մոլորված է իր սեռական կողմնորոշման հարցում: Որոշ կանանց հետ շփվելուց հետո, նա բացահայտում է, որ ավելի շուտ հակում ունի   տղամարդկանց նկատմամբ: Սակայն նա անկարող է ընդունել իր նույնասեռականության հանգամանքը: Ահարոնը հոմոֆոբ նույնասեռական է և հետևաբար երկար ժամանակ հրաժարվում է հաշտվել  իրականության հետ: Ինքն իրեն փորձարկելու նպատակով, մի երեկոյան այցելում է գեյ ակումբ, որտեղ ծանոթանում է Ջեքսոն Ուալշի (Մարկ Սիլկոք) հետ, ով շինարար է: Այս հանդիպումից սկսվում է մեր կայքում ներկայացված պատմությունը (էպիզոդ 1).

Ահարոնի և Ջեքսոնի հանդիպումը

Ջեքսոնի հետ հանդիպումը բեկումնային դեր է խաղում երկուսի կյանքում: Ջեքսոնը Ահարոնին օգնում է հասկանալ և ընդունել իր ինքնությունը: Ցավոտ և տագնապալից գործընթացի վերջում, Ահարոնը ի վերջո ընդունում է իր սեռական կողմնորոշումը: Բայց նախքան այդ եզրակացության գալը, ինքն իրեն և թե իրեն շրջապատող մարդկանց տառապանք է պատճառում: Նա ինքնասպանության փորձ է կատարում, ծեծի է ենթարկում Փեդիին և մի անգամ նույնիսկ հարձակվում է Ջեքսոնի վրա, որի համար բռնության մեղադրանքով ձերբակալվում է և դատվում:

Ջեքսոնի կյանքը նույնպես փոփոխվում է լիովին: Երկու տղամարդկանց սիրո հարաբերությունները լի են կրքով և լարվածությամբ: Էությամբ հանգիստ և հանդարտ Ջեքսոնը տառապում է այս լարվածությունից և Ահարոնի անհանգիստ բնույթից:

ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ  >>>  ԱՅՍՏԵՂ

___________________________________________________________
Ահարոնի և Ջեքսոնի պատմությունը այս կայքում

ՀՈԴՎԱԾԻ ՄԱՍ 1  > > >  ԱՅՍՏԵՂ

ՀՈԴՎԱԾԻ ՄԱՍ 2  > > >  ԱՅՍՏԵՂ

ՀՈԴՎԱԾԻ ՄԱՍ 3  > > >  ԱՅՍՏԵՂ

ՖԱՆԱՏԻ ՎԻԴԵՈ ՄՈՆՏԱԺ 1 >>> ԱՅՍՏԵՂ

ՖԱՆԱՏԻ ՎԻԴԵՈ ՄՈՆՏԱԺ 2 >>> ԱՅՍՏԵՂ

ՖԱՆԱՏԻ ՎԻԴԵՈ ՄՈՆՏԱԺ 3 >>> ԱՅՍՏԵՂ