Սերիալը քննարկում է նաև այդ տարիների համար մի շարք նոր և խնդրահարույց թեմաներ, ինչպիսիք են նույնասեռ ամուսնությունը և ծնող լինելը։ Այս հարցերն արդեն կորցրել են իրենց նորությունը և նշանակությունը, քանի որ լուծվել են ԱՄՆ-ում և Արևմտյան շատ երկրներում: Ճիշտ է՝ այդ թեմաները դեռ մնում են խնդրահարույց, և նույնիսկ՝ շատ վաղաժամ բազմաթիվ զարգացող երկրներում, ինչպես, օրինակ, Հայաստանում, որտեղ նույնիսկ շատ գեյեր կդժվարանան ընկալել և ընդունել սերիալի կերպարների մոտեցումներն և վարքագծերը:
Բայց նրանով հանդերձ, որ սերիալը ներառում է այդ «նոր» հարցերը, և չնայած նրան, որ շատ դեպքերում ցույց է տալիս, թե որքան է նույնասեռականությունը սովորական մի երևույթ դարձել (օրինակ՝ Բրայանի սեռական ոտնձգությունների հիման վրա շանտաժի հարցը, որը կարող է պատահել ցանկացած տղամարդ տնօրենի հետ՝ անկախ նրա կողմնորոշումից), այն չի անտեսում նաև մի շարք «ավանդական» խնդիրներ, որոնք շարունակում են դժվարություններ հարուցել նույնասեռական անձանց համար, ինչպիսիք են, օրինակ, ոստիկանության հոմոֆոբ պահվածքը (Մայքլի հորեղբոր Վիկի պարագան):
Պետք է ընդգծել, որ այս սերիալը խախտում է նաև հեռուստատեսության համար մի խոշոր տաբու՝ ցուցադրելով նույնասեռ սեքսի տեսարաններ և ներառելով նույնասեռական բնույթի զրույցներ ու կատակներ: Սկզբնական շրջանում դրամատիկ այն կատակերգրական սերիալները, որոնք ներառում էին նույնասեռական կերպարներ, աշխատում էին նրանց պատկերել «անսեռ» և «չեզոք» ձևով՝ հանդիսատեսին շոկի մեջ չգցելու համար: Կարող ենք ասել, որ այս սերիալը ոչ միայն կոտրում է այդ տաբուն, այլև աննախադեպ ձևով (աննախադեպ՝ հեռուստասերիալի համար) ընդգծում է սեքսի թեման՝ ներառելով լայնածավալ էրոտիկ տեսարաններ, առատ սեքս և մերկություն:
Հասունություն
Հավերժական երիտասարդության զգացումը, անհոգ և անկաշկանդ ապրելակերպը, սեռական արկածների և տարբեր փորձերի անդադար որոնումը, որոնք սերիալի հերոսներին բնութագրում են առաջին երկու սեզոններում, հետագա սեզոններում աստիճանաբար իրենց տեղը զիջում են որոշակի հասունության և հանդարտության, երբ կերպարների մեծ մասը ձևավորում են մասամբ կայուն զուգավորված հարաբերություններ և մշակում են ողջամիտ կարիերայի ուղիներ: Այս փոփոխությունը վերաբերում է նույնիսկ Բրայանին, ով պատահական սեքսի և անկաշկանդ կյանքի չեմպիոն է: Վերջին սեզոնում սերիալի կերպարները նույնիսկ զբաղվում են տեղական մակարդակի լուրջ քաղաքական ակտիվությամբ:
ՏԵՍԱՐԱՆ ՍԵՐԻԱԼԻՑ >>> Բրայանը և իր պատվիրատուն զուկարանում
Կերպարների կյանքում արձանագրված այս փոփոխությունը (հասունացումը) հիմնականում չի տարբերվում այն փորձառությունից, որն ընդհանուր առմամբ ապրում են բոլորը, ներառյալ՝ ոչ-նույնասեռական անձիք՝իրենց երիտասարդության տարիներին: Ի դեպ, սերիալում բարձրացված հարցերի մեծ մասը քննարկվում են հենց համընդհանուր և համամարդկային տեսանկյունից, և սա, անկասկած, պատճառներից մեկն է եղել, որ այս սերիալը հասանելի և հասկանալի է եղել նաև ոչ-նույնասեռական լսարանի համար, ինչն էլ կարող է բացատրել նրա մեծ հաջողությունը (ըստ վիճակագրության ԱՄՆ-ում լսարանի 60 տոկոսը կազմել են տարասեռական կանայք):
Ի դեպ, սերիալի անվանումը՝ «Մարդկանց պես տարօրինակ» կարևորում է այդ երկակիությունը: «Queer» կամ «տարօրինակ» անվանում են մի անձի, ով ունի ոչ-ստանդարտ և սահմանված նորմերից դուրս վարքագիծ (պատմականորեն այն հաճախ վերաբերվել է նույնասեռականներին): Մինչդեռ «մարդիք» և «ժողովուրդը» (folk) ընդհանրապես կրում են այն բոլոր արժեքները, որոնք համարվում են հասարակ, սովորական և «նորմալ» (սահմանված նորմերին համապատասխան): Հետևաբար՝ համակցելով այս երկու բառերը, սերիալի հեղինակները ցանկացել են ընդգծել, որ իրենց նույնասեռական հերոսներն այնքան տարօրինակ են, որքան ցանկացած մարդ, և հետևաբար կարելի է վերջին հաշվով նրանց միաժամանակ համարել սովորական և օրինաչափ:
ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ > > > ԱՅՍՏԵՂ
___________________________________________________________
«Մարդկանց պես տարօրինակ» սերիալը այս կայքում
ՍԵՐԻԱԼԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ՀՈԴՎԱԾԻ ՄԱՍ 2 >>> ԱՅՍՏԵՂ
ՀՈԴՎԱԾԻ ՄԱՍ 3 >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 1 >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 2 >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 3 >>> ԱՅՍՏԵՂ
ՋԻՖ ԱՆԻՄԱՑԻԱ 1, Բրայան կոչված երևույթը >>> ԱՅՍՏԵՂ
ՋԻՖ ԱՆԻՄԱՑԻԱ 2, Բրայանի և Ջասթինի սերը >>> ԱՅՍՏԵՂ
ՋԻՖ ԱՆԻՄԱՑԻԱ 3, սերիալի հերոսները >>> ԱՅՍՏԵՂ
No comments:
Post a Comment