Դատարանը՝ հարցեր քննարկելու ասպարեզ
Ինչպես և շատ ամերիկյան ֆիլմեր, որոնց մեջ դատարանը օգտագործվում է որպես հասարակական հարցեր քննարկելու ասպարեզ և իշխող մտածողության մեջ փոփոխություններ մտցնելու հրապարակ, այնպես էլ «Ֆիլադելֆիա» ֆիլմում դատական գործընթացը տևում է ֆիլմի մեծ մասը, որի ընթացքում քննարկվում են ՁԻԱՀ-ով հիվանդների նկատմամբ խտրականության, հանդուրժողականության և արդարության հարցերը:
Զուսպ, բայց լարված սցենար
Սցենարը շատ լավ է կառուցված. յուրաքանչյուր տեսարան ուժեղացնում է պատմության լարվածությունը՝ առանց երբևէ ներառելու խոշոր դրամատիկ տեսարաններ՝ ինչպիսիք են դատավճռի հրապարակումը կամ Էնդրուի մահը:
Բացի այդ՝ սիրային և մտերիմ տեսարանները հասցված են նվազագույնի, հավանաբար, ժամանակի (1990ականներ) ամերիկացի հանդիսատեսին չցնցելու և ՁԻԱՀ-ի հետ կապված նրա ուշադրությունը չշեղելու նպատակով:
Սա, թերևս, բացատրում է Էնդրուի զուգընկեր Էնդիի (Անթոնիո Բանդերաս) սահմանափակ ներկայությունը ֆիլմում և Էնդրուի՝ ՁԻԱՀ-ի դեմ տարած պայքարում անհատական և զգացմունքային հարթությունների բացակայությունը:
Հիանալի խաղ
Թոմ Հենքսը հիանալի է այս ֆիլմում: Սա, անշուշտ, նրա ողջ կարիերայի լավագույն դերակատարումներից մեկն է: Նա ցուցադրում է խիզախ և արժանապատիվ խաղ՝ մարմնավորելով իր բարդ կերպարը, ով, ֆիզիկական անկման ենթարկվելով հանդերձ, համառորեն շարունակում է իր պայքարը հանուն արդարության:
IMDb ԳՆԱՀԱՏԱԿԱՆԸ
|
7.6 / 10
|
ՄԵՐ ԳՆԱՀԱՏԱԿԱՆԸ
|
9 / 10
|
ֆիլմի գլխավոր դերասանը >>>
___________________________________________________________
«Ֆիլադելֆիա» ֆիլմը այս կայքում
«Ֆիլադելֆիա» ֆիլմը այս կայքում
ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
No comments:
Post a Comment