ԿԻՆՈՄԱՐԴ: ԿԱՐՃԱՄԵՏՐԱԺ ՖԻԼՄ >>> Ես չեմ ցանկանում միայնակ տուն վերադառնալ

ՖԻԼՄ	Ես չեմ ցանկանում միայնակ տուն վերադառնալ /
	I Don't Want to Go Back Alone / Я не хочу идти в одиночку
ՌԵԺԻՍՈՐ	Դանիել Ռիբեյրո
ՍՑԵՆԱՐԻՍՏ	Դանիել Ռիբեյրո
ԳԼԽ. ԴԵՐԱՍԱՆՆԵՐ	Գիհերմ Լոբո, Թես Ամորիմ, Ֆաբիո Աուդի
ՏԱՐԵԹԻՎ	2010
ԵՐԿԻՐ	Բրազիլիա
ՏԵՎՈՂՈՒԹՅՈՒՆ	17

«Չտեսնված» համբոյրը

Այս ֆիլմը երեք դեռահասների հարաբերությունների մասին է: Լեոնարդոն (Գիհերմ Լոբո) և Ջիովանան (Թես Ամորիմ) շատ մտերիմ ընկերներ են: Ջիովանան սովորաբար դպրոցից հետո տուն է ուղեկցում իր կույր ընկերոջը: Նրանց մտերմությունը, սակայն, փոփոխվում է, երբ իրենց դպրոց է ժամանում մի նոր աշակերտ՝ Գաբրիելը (Ֆաբիո Աուդի):

Ֆիլմը ունի գերազանց ռեժիսուրա և խաղարկություն: Այն նրբորեն ցույց է տալիս երեք երիտասարդ կերպարների զգացմունքները, և զուրկ է ավելնորդ բեմականությունից, որը սովորաբար ունեն այն ֆիլմերը, որոնք զբաղվում են դեռահասների սիրավեպով, գեյերի ինքնադրսևորմամբ կամ ֆիզիկական հաշմանդամությամբ: Ֆիլմը ցուցադրվել է Բրազիլիայի դպրոցներում: Իր երկարամետրաժ տարբերակը նկարահանվել է 2014 թ., հիմնված պատմության ընդլայնված փոփոխակի: