Ավելի լավ է ուշ, քան երբեք
Հինգ տարի նախքան իր մահը և 44 տարի իր կնոջ հետ համատեղ կյանքից հետո Օլիվերի հայր Հալը դրսևորում է իր իսկական սեռական կողմնորոշումը և սկսում է ապրել լիարժեք ու աշխույժ մի կյանքով: Այս յոթանասունհինգամյա «սկսնակը» մեծ եռանդով սկսում է մասնակցել գեյ համայնքի անցուդարձներին, գտնում է մի սիրեկան և որդեգրում է ավելի ազնիվ վարքագիծ թե՛ իր և թե՛ իր որդու նկատմամբ: Հալի վերջերս դրսևորած ազնվությունից բխող ցնցումներն երբեմն ծիծաղելի են և հուզիչ, և, ընդհանրապես, շփոթում ու ապակայունացնում են Օլիվերին, բայց, այդուամենայնիվ, հոր և որդուն մղում են միմյանց հետ ավելի սերտ ու ջերմ կապերի:
Օլիվերը հետզհետե սկսում է ըմբռնել տարիներ շարունակ պահված ընտանեկան գաղտնիքի հետևանքների խորքայնությունն ու ազդեցությունը թե՛ ծնողների, թե՛ իր գոյության վրա: Նա նաև ոգեշնչվում է իր կյանքի վերջին տարիներում իր հոր որդեգրած վարքագծից, երբ նա անվերապահորեն աշխատել է հետապնդել իր երջանկությանը և լիովին վայելել կյանքը: Սրանք Օլիվերին օգնում են հստակեցնել իր անելիքը Աննայի հետ:
Ակամա ժառանգությունը
Այս ֆիլմի հետաքրքիր հանգամանքներից մեկն այն է, որ քննարկում է կեղծ ամուսնությունների հոգեբանական հետևանքները երեխաների վրա: Թվում է, որ երբ մի նույնասեռական անձ ամուսնանում է հակառակ սեռի հետ թաքցնելու համար իր սեռական կողմնորոշումը, նա ակամա փոխանցում է իր անբավարարություններն ու դառնություններն իր երեխաներին՝ հոգեբանական տարբեր խանգարումների և բարդույթների տեսքով:
Ֆիլմը ցույց է տալիս (երբեմն խորը հումորով), թե ինչպես է Օլիվերը իր կյանքի ընթացքում նեղվել և տառապել իր հոր «ժառանգությունից», առանց գիտակցելու այդ խանգարումների իսկական դրդապատճառը: Ֆիլմը նաև ցույց է տալիս կեղծ ամուսնության հիմնական զոհին՝ Օլիվերի մորը, սակայն, նրա մեծ վիշտը հիշատակվում է միայն ներկայացնելու դրա ազդեցությունն Օլիվերի կյանքում:
Ֆիլմի մեկ այլ անսովոր և նորարարական առանձնահատկություններից է քաղցր փոքր շնիկ Արթուրի գաղափարը, ով հեռազգացողությամբ հաղորդակցում է մարդկանց հետ (իսկ մենք նրա մտքերը կարդում ենք ենթագրերում):
IMDb ԳՆԱՀԱՏԱԿԱՆԸ
|
7.1 / 10
|
ՄԵՐ ԳՆԱՀԱՏԱԿԱՆԸ
|
7 / 10
|
ԿԱԴՐԵՐ ՖԻԼՄԻՑ >>>
 |
| - Չնայած նրան, որ ես ընկալում եմ 150 բառ, ես չեմ խոսում: |
 |
| - Ես գեյ եմ: |
 |
| - Դու կարող լինել տգեղ միայն այն մարդկանց համար, ովքեր քեզ չեն հասկանում: |
 |
| - Դե մենք գիտեինք, որ չի ստացվի նույնիսկ նրան հանդիպելուց առաջ: |
 |
| Տխրության պատմությունը |
 |
| Երկրագնդի սկիզբն է, իսկ տխրությունը դեռ չի հորինվել: |
 |
| Առաջին զույգը, որն ամուսնացել է թյուրիմացաբար: |
 |
| Առաջին գեյ մարդը, ով ախտորոշվել է որպես հոգեկան հիվանդ: |
 |
| Անցյալն ու ներկան |
 |
| - Դու նորովի ե՞ս վերամշակել Հիսուսի մահվան պատմությունը: |
___________________________________________________________
«Սկսնակները» այս կայքում
ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
No comments:
Post a Comment