ՖԻԼՄ
|
Քրիստոֆերը և իրեն նմանները / Christopher And His Kind
|
/ Кристофер и ему подобные
|
|
ՌԵԺԻՍՈՐ
|
Ջեոֆրեյ Սեքս
|
ՍՑԵՆԱՐԻՍՏ
|
Քեվին Ելիոթ
|
հիմնված Ք. Իշրվուդի համանուն 1976 թ. վեպի վրա
|
|
ԵՐԱԺՇՏՈՒԹՅՈՒՆ
|
Դոմինիք Շերեր
|
ԳԼԽ. ԴԵՐԱՍԱՆՆԵՐ
|
Մեթ Սմիթ, Թոբի Ջոնզ, Դուգլաս Բութ
|
ՏԱՐԵԹԻՎ
|
2011
|
ԵՐԿԻՐ
|
Միացյալ Թագավորություն
|
ՏԵՎՈՂՈՒԹՅՈՒՆ
|
90
|
Հիմնված վիպասան Քրիստոֆեր Իշրվուդի (1904 - 1986) ինքնակենսագրության վրա՝ այս ֆիլմը պատմում է նրա բեռլինյան տարիները՝ վաղ 1930-ականներին:
Հանդիպում տարօրինակ կերպարների հետ
Քրիստոֆերը (Մեթ Սմիթ) գնում է Բեռլին խուսափելու բրիտանական հասարակության հեղձուցիչ սահմանափակումներից, հեռու մնալու իր բռնակալ մորից, և վայելելու Բեռլինի աշխույժ գեյ կյանքը: Այդ ժամանակ Բեռլինը ներկայանում էր որպես աշխարհի առավել ազատ, եռանդուն և զարգացած գեյ կյանք ունեցող քաղաքը:
Զբաղվելով անգլերեն լեզվի ուսուցմամբ՝ միաժամանակ նա ծանոթանում և բարեկամանում է իր տնակից մյուս վարձակալների հետ, ովքեր հետաքրքիր կերպարներ էին: Սրանց շարքում է դերասանուհի Ջին Րոսը (Թոբի Ջոնզ), ով երգում է մի կաբարե ակումբում: Որոշ ժամանակ սեքսուալ Կասփարի հետ մտերմություն անելուց հետո Քրիստոֆերը սիրահարվում է Հայնզին (Դուգլաս Բութ), ով մի գեղեցիկ և մասամբ ամաչկոտ բանվոր է: Ջին Րոսը, Կասփարը, Հայնզը և մյուսները, ում Քրիստոֆերը հանդիպում է Բեռլինում, վճռորոշ տեղ են գրավում իր կյանքում, խորապես տպավորում են նրան և ավելի ուշ հայտնվում իր տարբեր պատմվածքներում և վեպերում:
ՖԻԼՄԻ ԹՐԵՅԼԵՐԸ >>>
Նացիզմի հաղթանակը
Քրիստոֆերը ծանոթացում է Բեռլինի կաբարե-ակումբային շրջանակին և Բեռլինի աշխույժ գեյ կյանքին, ընդլայնում է իր սեռական փորձառությունները և ապրում իր կյանքի առաջին սերը, այն ժամանակ երբ վերելք է ապրում նացիզմը: Ֆիլմը ցույց է տալիս, թե ինչպես քաղաքական ազատությունները գնալով կրճատվում են, հրեաների նկատմամբ խտրականությունը շեշտավորվում է, Քրիստոֆերին շրջապատող մարդիկ և այդ թվում Կասփարը փոփոխության են ենթարկվում, գեյ կյանքը անհետանում է և կարճ ասած՝ մի ամբողջ քաղաքակրթություն մոտենում է իր ավարտին՝ ի օգուտ ամբողջատիրական մի նոր հասարակարգի:
Քրիստոֆերը ի վերջո որոշում է Հայնզի հետ միասին վերադառնալ Լոնդոն, սակայն իրավական խոչընդոտների պատճառով չի հաջողվում իր զուգընկերոջը պահել իր մոտ՝ Անգլիայում: Ժամանակին նույնասեռականությունը անօրինական էր Անգլիայում, իսկ նույնասեռական զույգի ինչ-որ իրավական կարգավիճակը՝ միանշանակ աներևակայելի: Տարիներ անց՝ երկրորդ համաշխարհայինից հետո, հաջողակ գրող Քրիստոֆերը վերադառնում է Բեռլին իր նախկին սիրեկան Հայնզին հանդիպելու :
ՀՈԴՎԱԾԻ ՇԱՐՈՒՆԱԿՈՒԹՅՈՒՆԸ >>> ԱՅՍՏԵՂ
___________________________________________________________
«Քրիստոֆերը և իրեն նմանները» այս կայքում
ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
No comments:
Post a Comment