Հանդիպումնր
Այդ օրվա ընթացքում Ջորջը կազմակերպում է իր գործերը, որպեսզի ուշ երեկոյան կարողանա իրականացնել իր ծրագիրը: Սակայն, պատահաբար, հանդիպում է մի շարք ծանոթ և անծանոթ մարդկանց, որոնք հետզհետե արթնացնում են նրա՝ սիրո և կյանքի նկատմամբ ունեցած բնազդը:
Նա շփման մեջ է մտնում իր ուսանողներից մեկի` Քենիի (Նիքոլաս Հուլթ) հետ, ով անտեսելով ուսանող-դասախոս շփումների ավանդական սահմանները, լուրջ հետաքրքրություն է ցույց տալիս Ջորջի հանդեպ: Անսպասելիորեն, Ջորջը նաև հանդիպում է մի շատ գեղեցիկ իսպանացի մարմնավաճառի հետ: Բանկում կարճ զրույց է ունենում մի կապույտ հագած աղջնակի հետ:
Ջորջը խորապես զգացվում է Քենի ցուցաբերած ուշադրությամբ, մարմնավաճառ տղայի գեղեցկությամբ և հրեշտակի նման աղջկա անմեղությամբ:
Հրաժեշտի ընթրիքը
Վաղ երեկոյան Ջորջը գնում է իր վաղեմի ընկերուհու` Չարլիի (Ջուլիան Մուր) տանը ընթրելու: Ջորջը սա ծրագրել է որպես հրաժեշտի ճաշ: Մի ժամանակաշրջանում, երբ նույնասեռականությունը և նույնասեռական հարաբերությունները, նույնիսկ մի ամերիկացի դասախոսի պարագայում, դեռևս համարվում էին անպատվաբեր, Չարլին միակ անձն է, որի հետ Ջորջը կարող է կիսել իր կորստի ցավը:
Թեև նրանք սկզբում պարելով զվարճանում են, Չարլիի փորձերը Ջորջի հետ ինտիմ հարաբերություններ հիմնելու համար և նրա թերագնահատումը Ջորջի սերը և հավատարմությունը իր կորցրած զուգըներոջ հանդեպ, ի վերջո զայրացնում է այս վերջինիս: Նա բարկացած գնում է մի բար, որտեղ նկատում է, որ իր ուսանող Քենին հետևում է իրեն:
Անկատար թե իսկական հարաբերություններ?
Ֆիլմը պատկերում է շատ շքեղ բայց սառը 1960 թվականների Ամերիկա, որտեղ տեղի է ունենում վշտի և միայնության մասին այս պատմությունը առանց զգացմունքային չափազանցությունների: Բոլոր դերասանները կատարյալ են:
Վեպը, որի վրա է հիմնված սցենարը, գրել է Քրիստոֆեր Իշերվուդը (1904-1986) և լույս է տեսել 1964-ին: Այս վեպում շատ առումներով, Իշերվուդը առաջ է իր ժամանակաշրջանից:
Ակնհայտորեն, պատմությունը հակադարձում է այն ենթադրությանը, որի համաձայն՝ գեյ հարաբերությունները զերծ են հոգեկան և զգացմունքային կողմերից և բացառապես կամ հիմնականում սահմանափակվում են սեռական շփումներով (կամ, ինչպես Չարլին միամիտորեն Ջորջին ասումէ, նույնասեռական սերը «իսկական» հարաբերություն չէ):
IMDb ԳՆԱՀԱՏԱԿԱՆԸ
|
7.6 / 10
|
ՄԵՐ ԳՆԱՀԱՏԱԿԱՆԸ
|
9 / 10
|
ԿԱԴՐԵՐ ՖԻԼՄԻՑ >>>
- Կան բազմաթիվ տեսակի փոքրամասնություններ՝ շիկահերները օրինակ: |
- Վախը օգտագործվում է որպես մանիպուլյացիայի գործիք մեր հասարակության մեջ: |
- Երբեմն սարսափելի երևույթներն ունեն իրենց սեփական տեսակի գեղեցկությունը: |
- Երբեմն մտածում եմ, որ ես խելագար եմ, քանի որ ամեն ինչ տեսնում եմ այլ կերպ, քան բոլոր ուրիշները: |
ֆիլմի ռեժիսորը և գլխավոր դերասանները >>>
Վենետիկի 66-րդ միջազգային փառատոնում
___________________________________________________________
«Մի միայնակ մարդը» այս կայքում
«Մի միայնակ մարդը» այս կայքում
ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
No comments:
Post a Comment