Ճգնաժամ
Լուրերը շատ արագ են տարածվում ոստիկանության կայազորում: Բոլորն էլ շուտով իմանում են Քանո Սոզաբուրոյի և Թաշիրոյի սիրո մասին: Հետաքրքիր է, որ ֆիլմը հազվադեպ է երկու սիրահարներին միասին ցույց տալիս և ընդհանրապես նրանց սիրաբանվելու որևէ տեսարան չի ցուցադրում: Փոխարենը մենք տեսնում ենք Քանո Սոզաբուրոյի շփումները և սեքսի տեսարանները Յուզավայի հետ, ով մի բարձրաստիճան սպա է: Նա գրավված է Քանոյով զուտ ֆիզիկապես: Յուզավայի հետագա սպանությունը թեժացնում է լարվածությունը սամուրայի կայազորում և բացահայտում մի շարք թշնամանքներ և մրցակցություններ:
Այս բորբոքված կրքերը կարծես թե չեն ազդում դրանք հրահրող Քանո Սոզաբուրոյի վրա : Ըստ երևույթին, նրան դուր է գալիս բոլորի ուշադրության կենտրոնում լինելու կարգավիճակը: Սակայն, նա զարմանալիորեն պահպանում է հանգիստ արտքին և դրսևորում է շատ սառը և անհոգի ներկայություն: Նա իվիճակի է դաժանաբար գլխատել մի մարդու, պասիվ դերում սեքսով զբաղվել կամ ընդունել իր սիրեկանին սպանելու հանձնարարականը առանց թարթիչների ամենափոքր շարժման:
Այդուամենայնիվ, նրա զուտ ներկայությունը անկայունացնում է բոլորին: Նա ակամա թողարկում է այն բոլորը, որոնք արգելված են սամուրայի վարքագծում: Նա միամտորեն արթնացնում է ցանկություններ, առաջացնում է հույզեր և ոգեշնչում է նախանձ ու խանդ: Սամուրայը կարող է կործանվել տղամարդու սիրուց,- հայտարարում է կապիտան Հիջիքաթան:
Տեսարան ֆիլմից >>> գեյշայի մուտքը
«Նանշոքու»
Ֆիլմը քննարկում է արական նույնասեռականության ցանկությունը և կիրքը՝ սահմանափակումերով սեղմված և կոշտ մի միջավայրում: Նույնասեռականությունը բանակում նույնքան հին անցյալ ունի, որքան ինքը բանակը՝ չնայած նրան, որ այս իրականությունը սովորաբար հերքվում է և համարվում անընդունելի: Միջնադարյան Ճապոնիայում, սակայն, նույն սեռի հետ հարաբերությունը ոչ միայն հանդուրժվում էր, այլ նաև խրախուսվում և փառաբանվում: Այդպես հարաբերությունը կոչվում էր «նանշոքու» և հիմնվում էր ավագ մի սամուրայի և պատանի մի աշակերտի միջև:
Եթե պատանին համաձայնվում էր, ավագ սամուրայը հանձ էր վերցնում նրա վերապատրաստումը մարտարվեստի տարբեր ձևերում և միաժամանակ նրան ընդունում էր որպես իր սիրեկան՝ մինչև նրա չափահասությունը: «Նանշոքուն» համարվում էր որպես «անարատ հարաբերություն» և նույնիսկ ճանաչվում էր պաշտոնապես. երկու կողմերը կնքում էին «եղբայրության պայմանագիր»:
Տաբու
Ֆիլմում Քանո Սոզաբուրոյի համար իր նույնասեռականությունը տաբու չէ: Նա հստակ գիտի և ընդունում է իր սեռական կողմնորոշումը: Նրա համադասարանցիներից և ուսուցիչներից ոմանք ընդունում և ոմանք չեն ընդունում այդ փաստը, բայց ամեն դեպքում բոլորն էլ դրա մասին արտահայտվում են բավական հանգստությամբ: Մի քանիսը նույնիսկ բացահայտորեն ցանկանում են Քանո Սոզաբուրոյին: Այլ խոսքով սամուրայի փակ շրջանակում թվում է, թե նույնասեռականությունը ճանաչված է որպես կյանքի իրականություն և, հետևաբար, ֆիլմի իսկական անվանումը (ճապոներենում «Գոհաթո» նշանակում է տաբու) չի վերաբերվում նույնասեռականությանը:
Այն ինչ տաբու է, այստեղ կիրքն է և զգացմունքային թեժ իրավիճակը՝ ներառյալ սերը Քանոյի և Թաշիրոյի միջև, որոնք խափանում են սամուրայի կայազորում տիրող խիստ կարգը և հակասում սամուրայի զուսպ ապրելակերպին:
Այս նրբագեղ ֆիլմը 20-րդ դարի ճապոնական կինոյի նշանավոր և ամենավիճահարույց ռեժիսոր Նագիսա Օշիմայի վերջին աշխատանքն է: Իր ողջ նշանակալի ստեղծագործության ընթացքում նա սովորաբար վիճարկել է տիրող մտավոր սահմանները և հրահրել սուր տարաձայնություններ քաղաքական և սեռային հարցերի շուրջ:
IMDb ԳՆԱՀԱՏԱԿԱՆԸ
|
7.0 / 10
|
ՄԵՐ ԳՆԱՀԱՏԱԿԱՆԸ
|
9.0 / 10
|
ԿԱԴՐԵՐ ՖԻԼՄԻՑ >>>
 |
| - Ես չեմ ցանկանում մեռնել առանց քեզ հետ սիրաբանված լինելու: |
 |
| Չկա ոչ մի երկնային և երկրային գաղտնիք, բոլորը դրա մասին գիտեն: |
 |
| - Տղամարդկանց միջև նախանձը սարսափելի մի բան է: |
 |
| - Կարոտե՞լ էիր ինձ: Այս գիշեր կգամ քեզ մոտ: |
 |
| - Ներիր ինձ: |
ֆիլմի ռեժիսորը և գլխավոր դերասանները >>>
Թաքեշի Քիթանոն հրամանատար Հիջիքաթայի դերում >>>
___________________________________________________________
«Արգելված զգացմունքները» այս կայքում
ՖԻԼՄԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ԿԱԴՐԵՐ ՖԻԼՄԻՑ + ՀՈԴՎԱԾԻ ՄԱՍ 2 >>> ԱՅՍՏԵՂ
ՖԻԼՄԻ ՍԱՈՒՆԴԹՐԵՔԸ >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 1 >>> ԱՅՍՏԵՂ
ՖԱՆԱՏԻ ՎԻԴԵՈ ՄՈՆՏԱԺ 2 >>> ԱՅՍՏԵՂ
No comments:
Post a Comment