Նաբիլ Յուսեֆը եգիպտացի գեղալուսանկարիչ է, ով այժմ ապրում և աշխատում է Նյու Յորքում: Նա ծնվել է Կահիրեում 1972 թ.: Մանկուց հմայված է եղել կինոյով և մասնավորապես 1940-ականների և 1950-ականների եգիպտական ֆիլմերով, որոնք փաստորեն եգիպտական կինոյի փայլուն տարիներն են եղել: Նաբիլի հետագա աշխատանքները խորապես ազդվել են այդ ժամանակաշրջանի եգիպտական կինոյով:
«Այն Շամս» համալսարանում ֆրանսիական գրականություն ավարտելուց հետո նա հանդիպել է եգիպտահայ լուսանկարիչ Վան Լեոյի (Լևոն Բոյաջյան) (1921-2002) հետ 1992 թ., որը շրջադարձային հանդիպում է եղել իր գեղարվեստական կարիերայում: 1993 թ. նա որպես օգնական աշխատել է լուսանկարիչ Դեյվիդ Լեշեփելի (1963-) հետ Նյու Յորքում և այնուհետև մեկնել է Փարիզ աշխատելու համար պերուացի նորաձևության լուսանկարիչ Մարիո Թեսթինոյի (1954-) համար: Այս համագործակցությունը տևել է մինչև 1998 թ.:
|
Մարիո Թեսթինոյի և Մարինա Աբրամովիցի հետ, 2013 թ. |
Այդ փորձառություններից հետո Նաբիլը վերադարձել է Եգիպտոս, սկսել է աշխատել բացառապես իր անձնական նախագծերի վրա և մշակել է իր սեփական ոճը: Նրա առաջին ցուցահանդեսը տեղի է ունեցել Կահիրեում 1999 թ., իսկ երկու տարի անց կայացել է իր առաջին անհատական ցուցահանդեսը Մեքսիկայում: Այդ ժամանակից ի վեր Նաբիլի աշխատանքները ներկայացվել են բազմաթիվ միջազգային անհատական և խմբակային ցուցահանդեսներում:
2010 թ. որպես սցենարիստ, պրոդյուսեր և ռեժիսոր նա նկարահանել է «Դու երբեք չես լքել» իր առաջին կարճամետրաժ ֆիլմը: Այս ֆիլմը արտագաղթի ու պանդուխտի մասին է, որը նա համարում է մի տեսակ մահ և քայքայում: Այս տեսակետը նա հիմնել է իր Եգիպտոսից արտագաղթելու անձնական փորձի վրա 2003 թ.:
|
Մի տեսարան «Դու երբեք չես լքել» ֆիլմից |
Մանկական տարիների կրքի հետքերով
Յուսեֆ Նաբիլի վոճը եզակի է և հեշտությամբ ճանաչելի: Նա նկարահանում է սև ու սպիտակ լուսանկարներ և ապա դրանք գունավորում ձեռքով: Նրա աշխատանքը, հետևաբար, միավորում է լուսանկարչությունը և գեղանկարչությունը: Սև ու սպիտակ նկարների գունավորումը շատ տարածված է եղել թէ՛ լուսանկարչության և թե՛ կինոյի ոլորտում՝ նախքան գունավոր նկարահանման տեխնիկայի հորինվելը: Ի դեպ՝ իր լուսանկարները գունավորելու գործում Նաբիլը օգտագործում է մեղմ գույներ, որը ստեղծում է նոստալգիկ տպավորություն և հիշեցնում է եգիպտական կինոյի գեղագիտական աշխարհը:
|
Պատկերներ Նաբիլի մի ցուցահանդեսից: Լինելով Մերձավոր Արևելքից՝ լուսանկարիչը փաստորեն իր աշխատանքում ցուցաբերում է չափազանց անկեղծություն և համարձակություն: |
Այս կապը կինոյի հետ առկա է նաև նրա կոմպոզիցիաների մեջ: Նա իր մոդելներին նկարահանում է փոքր-ինչ երևակայական դիրքերում և ինչ-որ կերպ բեմականացված. կարծես թե իր լուսանկարները ֆիլմի կադրեր լինեն: Նա նախընտրում է իր մոդելներին ներկայացնել շատ անմիջականորեն՝ մոտիկից և ուղղակիորեն դեպի տեսախցիկ նայելիս: Նրա մոդելները սովորաբար արվեստագետներ են՝ այդ թվում բազմաթիվ եգիպտացի դերասաններ, երգիչներ և գրողներ:
Նաբիլը պարբերաբար նաև նկարահանում է ինքնադիմանկարներ, որոնց մեջ փորձում է արտահայտել իր ապրումները և ներքին աշխարհը՝ հատկապես, երբ ճանապարհորդում է աշխարհի տարբեր կողմերով:
Նմուշներ Նաբիլ Յուսեֆի աշխատանքից
Դիմանկարներ
|
«Րոզի դե Փալման», Մադրիդ, 2002 թ. |
|
«Ֆիֆին ծխելիս», Կահիրե, 2000 թ. |
|
«Քեթրին Դենևը», Փարիզ, 2010 թ. |
|
«Դեյվիդ Լինչը», Փարիզ, 2007 թ. |
|
«Սթինգը», Նյու Յորք, 2005 թ. |
|
«Միայնակ փաշան», Կահիրե, 2002 թ. |
|
«Թահար Րահիմը» |
|
«Նաթաշան նարգիլե է ծխում», Կահիրե, 2000 թ. |
|
«Նաթաշա Աթլասը», Բրյուսել, 2003 թ. |
|
«Օմար Շերիֆը», Փարիզ, 2006 թ. |
Ինքնադիմանկարներ
|
«Կինո», Ֆլորենցիա, 2006 թ. |
|
«Բուրգի հետ», Կահիրե, 2009 թ. |
|
«Բեվերլի Հիլզ», 2008 թ. |
|
«Արմատների հետ», Լոս Անջելես, 2008 թ. |
|
«Չեմ վախենում սիրելուց», Փարիզ, 2005 թ. |
|
«Իմ գնալու ժամանակն է», զույգ նկարներ, Վենետիկ, 2007 թ. |
|
«Մայրամուտի հետ», Ռիո դե Ժանեյրո, 2005 թ. |
|
«Կոտրված տիկնիկի հետ», Աթենք, 2000 թ. |
Այլ աշխատանքներ
|
«Ի՞նչն ենք սխալ արել», Կահիրե, 1993 թ. |
|
«Սելիմ Քեշյուշը», Փարիզ, 2005 թ. |
|
«Սելիմ Քեշյուշը», Փարիզ, 2005 թ. |
|
«Րաշիդը նարգիլեն բերանում», Փարիզ, 2004 թ. |
|
«Մոհամեդը փակ աչքերով», Կահիրե, 2001 թ. |
|
«Բալետ պարողը», Փարիզ, 2003 թ. |
|
«Երկու ջելաբաները» (արաբական հագուստ), Փարիզ, 2007 թ. |
|
«Ալեքսանդրը և իր ձուկը», Փարիզ, 2011 թ. |
|
«Ալին տարազ հագած», Փարիզ, 2007 թ. |
No comments:
Post a Comment