Երրորդ կերպարը
Բացի այս զույգից, ֆիլմում կա նաև երրորդ կերպար՝ Չանգ անունով թայվանցի մի ճանապարհորդ: Լինելով շատ ավելի ինքնավստահ և կայուն մի մարդ, Չանգը նախնտրում է ճանաչել ավելի շատ լսելով, քան թե նայելով: Նրա երազանքն է այցելել «աշխարհի ծայրին գտնվող փարոսը», որտեղ, ըստ իր լսածի, կարելի է թողնել անձնական վշտերը: Հանդիսատեսի համար, սակայն, այդպես էլ չի բացահայտվում նրա վիշտը:
Լայը Չանգին հանդիպում է նույն ռեստորանում աշխատելու ժամանակ և նրա հետ սկսում է բարեկամանալ: Այն ժամանակաշրջաններում, երբ Հոն բացակայում է Լայի կյանքից, Լայը և Չանգը հաճախ միասին են ժամանակ անցկացնում: Նրանց կապի բնույթը, սակայն, մնում է անորոշ:
Կործանարար սերը՝ բանաստեղծականացված
Սա, թերևս, կինոյի պատմության մեջ կործանարար սեր պատկերող առավել բանաստեղծական ֆիլմերից մեկն է: Ֆիլմը նկարահանել է իր ժամանակի առավել ընդգծված ոճ ունեցող ռեժիսորներից մեկը, ասիական կինոյի երկու գերաստղերի խաղարկությամբ: Մի ինչ-որ պատմություն զգուշորեն պատմելու փոխարեն՝ ռեժիսորը աշխատում է գույների ու երաժշտության ինտենսիվ և հմուտ օգտագործման շնորհիվ ցուցադրել տարբեր մթնոլորդներ և տրամադրություններ: Նախնական տեսարանների մեծ մասը ներկայացվում են փխրուն սև ու սպիտակով, բացառությամբ մի քանի պահերի, որոնք մատուցվում են ջերմ և փայլփլուն գույներով: Սակայն, Լայի և Հոյի վերամիավորման պահից հետո, երբ նրանք տաքսու մեջ նստած տուն են վերադառնում, ֆիլմը ամբողջովին անցնում է շքեղ գույների:
Պատմության վայր Բուենոս Այրեսը ֆիլմում մասամբ սահմանափակ տեղ է գրավում. մենք հիմնականում տեսնում ենք «Սուր» (իսպաներենով՝ հարավ) տանգո ակումբը, քաղաքի կենտրոնական հրապարակներից մեկը և մի նավահանգիստ, որը կարող է լինել ցանկացած երկրում: Ավելին՝ հերոսները չեն շփվում տեղացիների հետ, որն ամրապնդում է նրանց (և հանդիսատեսի) մեկուսացվածության զգացումը:
Ֆիլմը արդյունավետորեն օգտագործում է տանգո երաժշտության ամբողջ ներուժը: Տանգոյի մեղեդիները սաստկացնում են ֆիլմում տիրող մելամաղձոտության զգացումը: Սակայն ֆիլմի անվանումը ոգեշնչվել է 1967 թ. ամերիկյան Թրթլզ խմբի (The Turtles) կատարած մի երգից, և ոչ թե որևէ տանգոյից: Այս երգը ֆիլմում հնչեցվում է միայն մեկ անգամ՝ Լայի՝ Հոնկոնգ վերադարձի տեսարանում:
IMDb ԳՆԱՀԱՏԱԿԱՆԸ
|
7.8 / 10
|
ՄԵՐ ԳՆԱՀԱՏԱԿԱՆԸ
|
8 / 10
|
ԿԱԴՐԵՐ ՖԻԼՄԻՑ >>>
 |
| - Ես պարզապես ուզում եմ քո հետ լինել: |
 |
| - Ես կարող եմ քո վրա պառկած քնել: |
 |
| - Ես այսպես եմ սիրում: |
 |
| - Նկատի ունեմ այն, որ սիրում եմ այն մեղեդիները, որոնք արագացնում են սրտիս բաբախումը: |
No comments:
Post a Comment