Մանուելի կինը` Լիլին, ի վերջո, բացահայտում է ամուսնու և Լալոի կապը և դրանից հետո սերիալը մասամբ կենտրոնանում է Մանուելի և Լիլիի հակամարտության վրա: Ակումբի փաստաբան Նինոն Լիլիին ճնշման տակ է դնում, որպիսզի նա հաշտվի Մանուելի հետ և Մանուելից և Լալոից պահանջում է, որ նրանք վերջ դնեն իրենց հարաբերությանը: Ըստ երևույթին, բոլորի (խաղացողների, կանանց, մարզիչների և մենեջերների) համար հիմնական խնդիրը և գրեթե մոլուցքը խաղացողների կարիերան է և այդ առումով՝ նրանց հանրային իմիջի պահպանումը: Սակայն, զգացմունքաին ճգնաժամի իրավիճակում, առավելս մի դրամատիկ սերիալի շրջանակներում, հաստատ չի, որ հերոսները (Մանուելը, Լալոն և Լիլին) կկարողանան զսպել իրենց զգացմունքները և թաքցնել իրականությունը:
ԳԼԽԱՎՈՐ ԴԵՐԱՍԱՆՆԵՐ` Քրիստիան Սանչո (Cristian Sancho), Էզեքիել Կաստանիո (Ezequiel Castaño) |
Իրական իրադարձություններով ներշնչված
Հետաքրքիր է, որ սերիալի հեռարձակմանը զուգահեռ` 2009 և 2010 թվականներին, Արգենտինայում ընթանում էին հանրային քննարկմումներ նույնասեռ ամուսնության օրինագծի շուրջ: Այնուհետև՝ 2010 թ. հուլիսի 22-ին, Արգենտինան դարձավ առաջին լատինաամերիկյան երկիրը, որն օրինականացրեց նույնասեռ ամուսնությունը: Ընդհանրապես փորձ չի արվում սերիալի պատմությունը ուղակիորեն կապել հասարակական և քաղաքական իրադարձությունների հետ, բայց նույնասեռ ամուսնության օրինակացումը մեկ կամ երկու անգամ նշվում է սերիալի մեջ:
Կա նաև մեկ հղում լատինաամերիկյան երգիչ Ռիկի Մարտինին, ով 2010 թ. մարտի 29-ին հրապարակայինորեն խոստովանեց իր սեռական կողմնորոշումը: Սկսած 43-րդ էպիզոդից, Մանուելի կողմնորոշման ինքնաարտահայտման (coming out) հարցը դրվում է սերիալի օրակարգում: Այս խնդիրը առաջին անգամ բարձրացնում է նրա կին Լիլին և դա, ի վերջո, տեղի է ունենում էպիզոդ 60-ում, շատ դրամատիկ ձևով:
ԿԱԴՐԵՐ ՍԵՐԻԱԼԻՑ >>>
«Տելենովելա»՝ գեյ համեմունքով
Հարկ է նաև նշել, որ համեմատած այլ հեռուստասերիալների, որոնք ընդգրկում են գեյ կերպարներ և թեմաներ, «Բոթինեռաս»-ը առանձնանում է իր բազմաթիվ էրոտիկ տեսարաններով: Դրանցից հիմանականներն են` ջակուզի տեսարանը (էպիզոդ 14), մահճակալի տեսարանը (էպիզոդ 15), ցնցուղի տեսարանը (էպիզոդ 23) և հյուրանոցի տեսարանը (էպիզոդ 52): Կարելի է ենթադրել, թե որքան են այս տեսարանները ցնցել սովորական «տելենովելա»-դիտողներին:
Հաշվի առնելով, որ արգենտինական հեռուստասերիալները որոշակի տեղ են զբաղեցնում լատինամերիկյան և միջազգային հեռուստաեթերում, կարելի է ողջունել նրանց մեջ գեյ կերպարների ներառումը և հոմոֆոբիայի տարբեր արտացոլումների քննարկումը: Սակայն, պիտի խոստովանել, որ գեյ թեմաներ քննարկելու նորությունից և հետաքրքրությունից բացի, «Բոթինեռաս»-ը, այլ լատինամերիկյան տելենովելաների պես, միջակ աշխատանք է: Սերիալի կերպարները ներկայացվում են մեկ ծավալային եղանակով, նրանց երկխոսություններն ընթանում են պարզունակ կարգով և պատմությունը զարգանում է ձանձրալի ձևով:
IMDb ԳՆԱՀԱՏԱԿԱՆԸ
|
6.5 / 10
|
ՄԵՐ ԳՆԱՀԱՏԱԿԱՆԸ
|
6 / 10
|
ամբողջական սերիալը (անգլերեն ենթագրերով) >>>
___________________________________________________________
«Բոթինեռաս» սերիալը այս կայքում
ՍԵՐԻԱԼԻ ԹՐԵՅԼԵՐԸ + ՀՈԴՎԱԾԻ ՄԱՍ 1 >>> ԱՅՍՏԵՂ
ՍԵՐԻԱԼԻ ՕՆԼԱՅՆ ՏԱՐԲԵՐԱԿԸ + ՀՈԴՎԱԾԻ ՄԱՍ 2 >>> ԱՅՍՏԵՂ
No comments:
Post a Comment